بداية اشكر القائمين على هذا الموقع شكرا جزيلا
لانه من افضل المواقع الخليجيه الي مرت علي
فيه تعاون وبذل واخوه
وكل اقسامه ماشاء الله تبارك الله
مما حفزني اني اكتب امنيه لي كانت من زمان وهي تراودني
لكن ابغا منكم استشاره ومعونه
انا اتمنى اني اتاجر في منتجات الامارات في السعوديه
وسبق وتواصلت مع وحده تعرف ام القبيس في منتدى اخر
ذكرت لي ان لها باع طويل في البخور ومستلزمات العروس
وكنت انا جادة جدا وقتها وعندي راس مال بسيط
لكن الحرمه بعدها اختفت
وما ادري وش القصه .. وراس المال تبخر
انا اتمنى الاقي لي ممول من الامارات وانا امسك التسويق النسائي في السعوديه
مثل الجلابيات
اللوشنات والعطور والبخور الاماراتي
لكن لي شرط .. اطلع اولا على المنتج واشوفه بنفسي
واشمه واقيمه عند العطارين
وقبل توصيل الطلبيات لو ربي كتب اني فعلا الاقي ممول او شريك
الطلب يمر عندي … ومن بعده ارسله للزبون
على اساس اتأكد من سلامة المنتج وجودته
عارفه انكم بتقولون وش يضمن حقنا
بقولك اول شي .. رب العالمين الي خلق لي سمع واذان .. وخلق لي اصابع تكتب
للعالم
ان كان في نيتي شي فالله يشلها .. أنا لي بنات وقايمه عليهم
واخاف مو على نفسي .. لا والله .. ألخوف على بناتي اني ااكلهم مال حرام
انا ادور على لقمة العيش النقيه
علشان كذا قلت اول شي اطلع على جودة المنتج قبل اعلن عنه
مابغا غش وتدليس .. وبكره يدعي علي العالم
الي حاب يتواصل معي اهلا وسهلا
والي مو حاب الله يرزقه من واسع فضله
نقطه اخيره .. البضاعه لما تجيني وماتعجبني راح اردها
والي تعجبني راح اسوق لها
ان مانباعت راح اردها لصاحبها
بس رجااااااااءا .. لايجيني احد رافع اسعاره للسماء ويقول سوقيها لي
انا اعتذر منه لاني عارفه انها مجرد تعب وضياع وقت
واستهبال على العالم
واتمنى من التجار والتاجرات انهم يراعو الضمير في الاسعار
رحم الله امرءا .. سمحا اذا باع .. سمحا اذا اشترى ..
سامحوني ان كان الكلام ماهو مفهوم
او اذا خبصت ..
لكم فائق احترامي
الله يوفقك يتاج الشموخ ويرزق ربي من واسع فضله
اشكركم جميعا ..
واشكرك اخوي العقار السعوي
وكلامك صحيح .. لكن البلا ان العقار ربحه بطئ ومافيه ااصلا راس مال
وسبق اشتغلنا في التسويق العقاري ماجانا من وراه الا النكد ووجع الراس
نصب وكذب واستغلال
نستزرق بعيد عنهم وعن مشاكلهم اخير
الله يوفقك ويرزقك من واسع فضله
وافضل استثمار الاراضي ثابته لاتصدمها سياره ولا شي
وتدبل قيمتها فجأه
بسم الله الرحمن الرحيم
موفقه بإذن الله … ليج مني أجمل تحية .
اول شي اختي الله يباركلج في بناتج ويستر عليج وعليهن والله يجعلهن من الذريه الصالحه وقرة عينج فيهن
والثاني يا اختي الله يرزقج الربح الحلال والتيسير من اوسع ابوبه يارب
والثالث شي وايد عروض من الاخوات بالمنتدى تقدرين انج تتواصلين وياهن والله يوفقج وياهن واتمنى انه الله ما يقصرن ويا اختنا
اللهم اتنا بالدنيا حسنه وبالاخرة حسنه وقنا عذاب النار