السلام عليكم ورحمة الله وبركاته
انا حاب اسافر لاوروبا فالصيف يعني (المانيا – بلجيكا – فرنسا – موناكو – ايطاليا) امممم حبيت تفيدونيه شو اخير الاماكن الي تنصحونيه ازورهه للعلم رحلة شبابية يعني انا وربيعيه المهم وتنصحونيه استاجر موتر ولا اروح بالميترو ولا بالطيارة بين هاي الدول واخيرا كم التكلفة المتوقعة ومشكورييييين
أخوي هذي شركة امانية كبيرة, سياراتهم اتوماتيك و فيها نفيكيشن ( بعض السيارات النفكيشن يكون اسهم و صوت بس عجيب دخل اسم الشارع و انت والخير رباعة)
SIXT rent a car | car rental / holiday car rentals / limousine and shuttle services
تقدر تروح ميونخ ومنها الى زلامسي والنمسا (ارخص)
او تقدر تروح ميونخ ومنها الى سويسرا.
سوري اخويه (ولد عز) علتاخير المهم مشكور على ردك وحبيت اخبرك انيه حاجز تذكرة ابوظبي- ميونخ بس حجز السيارة ما حجزته اريد اعرف شو احسن نوع استاجره وكم اسعارهن انا حاط ميزانيه السيارة الين 14000 درهم ل 14 يوم ونفس كلامك افكر اردهه في فرنسا لانهم قالو التامين ما يتحمل ايطاليا
السلام عليكم
ممكن اساعدك بس اهم شي اول دوله بتنزل فيها ؟
اذا المانيا عندك ميونخ ودزلدورف و هامبورج اذا بتنزل المانيا كاول دوله انا مستعد اخبرك عن واحد يبلك سيارتك لين الفندق او المطار وتسلم السياره في الدوله الي بتروح منها عند المطار بس في مشكله وحده ايطاليا اذا بتسير ايطاليا ماتقدر تاخذ السياره الي ماجرنها من اي دوله لان التامين مايتحمل ووايدين انسرقت سيارتهم هناك
خلني انصحك استاجر سياره من المانيا لان ارخص وسير فيها بلجيكا وفرنسا وسلمها في فرنسا ومن فرنسا خذ قطار لين ايطاليا ومن ايطاليا استاجر سياره لو حبيت وخل تذكرتك الامارات المانيا- ايطاليا الامارات
لان المانيا وبلجيكا عدال بعض بس ع حسب المكان الي بتنزل فيه يعني لو بتنزل في ميونخ يبالك حوالي600-700 كيلو تقريبا ولو بتنزل في دزلدورف يبالك اقل من 200 كيلو
انا سرت من ميونخ لين امستردام خذت 6 ساعات تقريبا وخذت من امستردام لين بلجيكا ساعتين
انا بساعدك في كل شي فالك طيب بس قولي انته وين بتنزل اول دوله وبعدين بنرتب خط السير واذا كنت تحتاج سياره ولا
انصحك تنزل دزلدورف (وايد حلوه ) ومن دزلدورف تاجر سياره ولا بالقطار تسير لين بلجيكا وايد جريب ومن بلجيكا تسير فرنسا ومن فرنسا ايطاليا هذا احسن واسهل حل
مشكور خويه عنصايحك الي بتفيدني ان شاء الله
مرحبا اخوي
الله ايوفقك انشاء الله وتستمتع بالرحله
وبما انك اخترت هالاماكن فنعم الاختيار
انصحك انك تحجز على المانيا وتحجز سياره من مكتب السفريات وتاكد عليهم ان فيها نظام نفقيشن ( تحديد المكان ) وانك تستلمها من المطار
وتنزل في مطار ميونخ
ومر على شركة الايجار في المطار وخذ السياره
اممممممم
الحين تبدا الرحله
اول شي مر علي وسط المدينه وخذ لك يومين وعقب عاد علي كيفك والامر متروك لك
عندك النمسا وبلجيكا وسويسرا وكلهن حولك وتقدر بالسياره تمر عليهن كلهن
بس لا تنسا تاخذ لك خارطه
ودايم(ن) شركات الايجار يعطونك خارطه في السياره بس اذا ما لقيت
مب صعبه
بتلقاها في اكثر الاماكن
( محطة البترول او كشك بيع الدخان او اماكن بيع الهدايا ) وغيرها
وانشاء الله بتستانس
لاتنسى تاخذ السياره فيها نفقيشن واحسن لك تاخذها ديزل مب بترول بما انك بتلف في اوروبا
بس الله يعيينك تراها شوي غااليه
اتمنى لك رحله طيبه