السلام عليكم ورحمه الله وبركاته
احم احم 
اول تجربه لي في كتابه الخواطر
24 ساعه في الكراجات …شو بيطلع مني
احم احم
بحاوول…. ابدع في شي
حبج في قلبي شرات سنجل تيربو.. من افكر فيج يشتغل كمبيوتر الموتيك,,, و عيونج جير اوز لروحي و طيفج يخطف جدامي مركب تواير سلك…..و اتم احاتيج و احاتيج واحاتيج و احاتيج طول الليل اتقولين تيربو تايمر ….انتي هدرز روحي و نايترس عمري. وسوبر جرج قلبي .. و خيالج شراره ان جي كي سيستم في خيالي
اذكر رموش عينج الجميله شرات ديفيسور الجيتي..
و لاصوت صوتج صوت كات باك فاير… يرن في اذني
خليني في قلبج الكبير بيج بلوك…
وتختفي صورتج…..عن الانظار ((( بوابه رقم 4 – شبك الشرطه )))
تحياتي
هههههههههههههههههههههههههههههه
iهلا و الله اخوي….
ياريال ماشاء الله عندك موهبه….
استثمرها في حلبه الخواطر…. يمكن اتحطم الرقم القياسي
مرورك اسعدني…
وتواجدكم اسعدني
نبحر في عالم الخواطر و الرومانسيه……………………….
وين هالمواهب مدفونه من سنين .. بصراحه ترتيــــــــــــــــــــــــب .. وخاطره طالعه من كرنكيس الخاطر!
لو أنا عندي نص هالموهبه جان رتبت هالقصيده شوي ( شغلة تصفيف ) وحصلتني يالس على المسرح أعدها في شاعر المليون .. يمكن أيب المركز الثالث وحصل جايزه فتك ولا جيتي وحتى لو هدرز .. ماتدري .. كل شي جايز هالزمن
والجمهور كلهم ميكانيكيه وبنجرجيه وخراريط مال درامات ويل ..
ياربي على الحسد
بصقعج بخاطره سريعه ماشيه 260 كيلو وبخلي اسمج من قوافي الى قافيه وحده بس
iههههههههههه
تقريبا
يالس في الكراج… احس المكان مصدر الهامي…. وفيه ادوات تول بوكس تثري الغريزه الابداعيه لموهبه الخاطره و مساند على جلن ايل موبيل ون ابو 10 الف كيلو (( مغشوش ))
وشاي كرك … من راعي الكفتريا الحرامي الي عدالنا…
الله الله الله
عندنا مواهب….
يالله نتريا تكمله الخاطره الحلوه….
