اول مره احجز فنادق وتذاكر طيران بالنت.تعالو بخبركم بالصور.

اذا ماكنت الاول فإذا انت الأخير .

مقوله سيدي الشيخ (محمد بن راشد آل مكتوم) الله يحفظه .
.
كل واحد الحين بيقول شو ياب المقوله حق السفر .

نبذه : في بدايات سفرتي واول مابديت السفر كان في سنه 1995 . واول دولة طبعا ازورها هى تايلند نظرا بكثره سمعي الى هذه الدولة وحبيت اكون مع حشرة الناس مثل مايقول فهذا عيد .

طريقه الحجزات قبل :
في بدايات السفر وعشقي لها كانت من سنه 1995 والى سنه 2005 . كنت اعتمد على الحجز عن طريق المكاتب السياحية .

يعني اروح مكتب سفريات واقوله هاك الفلوس واحجز لي بسافر . يعطيني الوصولات والحجوزات ووقت السفر انا في المطار .

شال اوراق وتذاكر وشنطتي . واتريا .

هذه الطريقه اللى كنت اعتمد عليها في سفراتي الى سنه 2005 .

وبعد خبرات السفر الكثيرة والامور الي تحصل في التقنيات والبحث في الاموووور الحياتية ، والاعلانات اللي تقول احجز من النت . ومن الاصدقاء القليلين كانو يعملون هكذا يحجزون من النت .

جلست مع الاصدقاء او المقربين او حتى المسافرين في احاديثنا نتبادل الكلام في السفر وكل شيء .

بدا الناس يكثر حديثهم عن النت ، شراء وحجز وبيع وكل شيء . وانا ياغافل لكم الله .

لكن بعد فتره تطلب مني في عملي او في مواقع كثيره يجب ان نتعامل بالنت في ارسال وتسليم جميع الاشياء.

ونظرا بان عملي يتطلب بعض الاوقات الجلوس عالنت كثيرا . وبنفس الوقت شفت انه عندي نت وماستخدمته لاغراض مصلحتي سوا البحث فقط والنظر في الجديد .

هني كان مقصدي اتعلم طريقه حجز الفنادق والتذاكر بالنت .

بدايات الحجز:

بعد التفكير الطويل والبحث في مواقع الحجوزات ومواقع الاخوان اللي جربوها . اتخذت فكره شامله جدا جدا .

ومتطلبات الحجز من فيزا وغيره .

هنا بدأت اتيقن بطريقه البحث بان تكون غير غير في كل مره . ويجب انك ماتم على حالك تعتمد على المكاتب .

لان في المكاتب يشوفون مصلحتهم بالفائده . وكل شركة تروج لنفسها .

وكل ماهنالك ان الشركات تحجز عن طريق المواقع وتعطيك الحجز وتاخذ عليك عمولة ، ونحن ياغافلين لكم الله

المكاتب:
حين الذهاب الى المكاتب ، تروح تحجز ربما ماتحصل حجز . وبعض الاوقات تحصل ويسويلك فلم بتصل فيك وانتظرني غدا وانا ارسلت لهم ايميل وجالس بالانتظار . هذا كلام المكاتب .

والبعض الآخر يتفنن عليك بكن في النهايه فايدته من الحجز الفنادق والتذاك نسبه 15 % .

نسبه 15 % تقريبا تكون 2000 درهم . او اقل او اكثر . هذا في ذمتهم.

طريقه المكاتب:
طريقه المكاتب الحجز عن طريق النت ، وهو جالس يستفيد منك فقط لاغير . وياخذ فايدته.

بعض الاوقات : المكاتب يقولون لك كم (الباكج) مالك وكم يوم تبقى ؟

بعض الاوقات: وبعض الاوقات يسألك الفاندق اللي تريدها اي نوع .

وشغلتهم هي نفس الطريقه الحجز بالنت فقط لاغير لقاء عمولة .

هل الكثيرون يحجزون بالنت :

طبعا نعم ، الاوربيون بنسبه 95% .

الاسيويون : بنسبه 60 %

الخليجيون: بنسبه 20 % .

يعني الخليجيون يعتمدون على المكاتب بنسبه 80 % ،،، وماشاء الله نسبة المتعلمين في النت في الخليج بحوالي 80 %

الى هنا نصل الى الجزء الاول من حلقة الحجوزات .