مريت المحطة اليوم وشفت لافته صغيره تقول
ان ايبكو واينوك سيقومون باحتساب 1.65% على المشتريات بواسطة بطاقه الائتمان
وهي النسبه اللي تاخذها البنوك عليهم ( ايبكو واينوك) من جراء استعمال الزبون البطاقة الائتمانيه في المشتريات
معظم الاماكن التجارية ما تاخذ هذه النسبة
السؤال
الى متى ؟!
واين وزارة الاقتصاد؟!
واين حقوق المستهلك؟!
الى متى والله محد يعلم ..
مره نازله محطة الامارات اللي على طريج بوظبي قلت بناخذ مؤونه نقزربها طول اطريج .. لانه الوالده .. ماشالله عليها لازم تحماسوق وقلت انا ما فيه صبر انزلها واترياها ..لازم اشغل عمري مخوريتها مااشالله ما يخلصون ..
وانا اجيك بترول نزلت اتشرى قلت في خاطري اشرب بيبسي واخواني قالوا يبون قلتلهم ما عليه
يوم يت باخذ شفته بريالين .. جان اقول للحرمه ليش بريالين قالت والله لانه زدنا مادري كمن ملي ليتر
قلت في خاطريه هيــــــــــــــــــــــــــــه استريحي بتيج الدله
واشريلهم عصير
واقزر انا بماي مسافي اللي في نكهات
واعصب يوم يت شيشة ادنوك اللي في الخالديه نزلتهم
قلتلهم اشتروا اللي تبونه ههههه لا بيبسي بريالين ولا هم يحزنون
بس ما اقول غير الله ينتقم من اللي كان سبب في رفع الاسعار
ماعليه نحن بنروم ندفع غيرنا من وين بيب
بيتمون الا يشحتون
لقد أسمعت لو ناديت حياً
ولكن لا حياة لمن تنادي
خخخخخخ تعبج راح ببلاش .. صدقج والله البقاء للأقوى .. هذا نظام الغابات ..
الله يكون في العووووووون
سو شراتي
طال عمرررررررررك …
عندي بطاقة بترول من ايبكو واينوك ..
وشهريا اعبي البطاقه هاي بالمبلغ الي اباااه
واقدر ادفع عن طريقة البطاقه هاي للبترول وللأشياء الي آخذها من ميني مارت وربعه
ولا فائده ولا خربطاااااااااان
=========================
ولا اتسير بعيييييييييد …
امسات كنت في عياده حكوميه … وخبروني ان البطاقه منتهيه
وعطيتهم بطاقة الفيزا … وقالوا لي التجديد بـ 110 دراهم
واكتشفت عقب ان الفاتوره 111.78 درهم
1.78 السيرفس جارج مالهم …
هل تعتقد لو دفعت لهم كاش 110 .. جان خذوا السيرفس جارج … (لا ماعتقد)
عقب طنشت الموضوع ..