اتشوهت ايد سلبتوه

يقولون العين حق … لكن .. من اسبوع التراث اللي كان عندي

ما خليت شي لوووووول

من خبيص

وعصيد

واكتفيت بلخمير اللي ماسلمت من عقبه…

اول ما وريت الضو انصلخت علخفيف … طبعا طااااااااااف << من كثر الحماس ..

وتمت الضو هاديه وطبعا كنت مجهزه حق خميري اللي بلكستر والتمر خطير مره ..

وبعد ماخلصت حسيت انه في كمن حبه من الصخام والله انهن لاني سمعت صوت تنقيع علخفيف
ولكن انصدمت انه تناقعت وتفتت صغار صغار … وطاحت اليمره على ايدي ومع هذا مشيت الموضوع قلت في خاطريه مب اول مره
ثاني يوم … سويت صالونة سمج << اللي مالي غنا عنها ولكن يوم يت بصبها في الحراره ومن اليوع الزايد … انجبت على نفس اليد المحروقه حسيت بايدي نضت من الحراره وماطعت اكل من الويع

والعصر يوني البنات … خالو نبا نودلز … قلتلهم اووووكي … وانا اغرفلهم النودلز … وتيني لشطه ثانيه على نفس الايد وعلى الحرق …
وفيالنهاااااااااايه يوم طلبو مني اسوي عشا دياي مشواي … قلت اوك شي خفيف وهالمره ان شاءالله مابحترق …

ولكن للاسف يوم يت بحط الخلطه الاخيره … ما سمعت غير تسسسسس …

والا صبوعي الاربع احترقن من الفرن … واونه ها الفرن آمـــــــــــــــن

غديــــــــــــــــــــــــت مشوه
اخر شي من شدة الويع سرت اقرب مستشفى
ما عطوني غير ميبو
و مسكن للآلام

ولكن للاسف مافي فايده ….

39 thoughts on “ايدي تشوهت”

  1. الحمد لله على سلامتك

    الظاهر انك نسيتي تقرأي آية الكرسي والمعوذات هذاك اليوم
    لاتنسيهم صباحا ومساء وربنا يحفظك

  2. الحمد الله على سلامتج الغاليه وما تشوفين شر

    جان على طول حطيتي صلصله طمام اللي في القواطي

    ما يعلم الحرق ع الايد ،،،،

    واتحملي واخذي اجازه من الطبخ شويه ،،،

    بس خليتي الخمير في خاطري

    ابا ابا

  3. السلام عليكم ورحمة الله وبركاته

    متشوفين شر ياسلبتوة

    العين حق وانتي الله يهديج عن الحماس الزايد اونة الشيف انطوان

    اقري المعوذات قبل الطبخ لأنة عيون الناس ماترحم

    بس اغني كبير المستثمرين مافيها حيلة

    كنت حزين يوم اقرى قصتج بس عقب اغني كبير ابتسمت وضحكت شوية خخخخخخخخ خخخخخخ

    ماتشوفين شر مرة 2

  4. بالعكس الميبو معروف وايد زين حق الحروق بس يباله مدة طويلة عشان اليرح يبرى بس انتي استمري عليه

    وفيه بعد منه ميبو سكار لوشن لونه وردي هذا يخوز آثار الحروووووق

    والله يشفيج

Comments are closed.