ايش الفرق بين السفاري والسوبر سفاري ؟

7 thoughts on “ايش الفرق بين السفاري والسوبر سفاري ؟”

1. مرحبا وسهلا

   موديل 2005 الى موديل 2007

   بالنسبة للشكل الخارجي تقريباً نفس الشي ونفس التخطيط بس تفرق الكلمة اللي بالتخطيط super safari

   بالنسبة حق الليتات الامامية ..

   السوبر سفاري يكون ليته زينون الفول ليت والليت العادي

   امّا السفاري الليت ماله أصفر

   بالنسبة للمدقاير والبمبرات نفس الشي ويعتمد لو كان السفاري رقم 2 او رقم 3

   بالنسبة من داخل

   السفاري موديل 2005 لو كان رقم واحد ما كانت فيها حساسات (( سنسرات )) والسكان مافيه خشب

   ولكن السوبر سفاري كان فيه خشب بالسكان وفيه حساسات ورى وجداّام

   ..

   بالنسبة من داخل

   لون الفرش الداخلي كان ينزل من داخل بالنسبة للسوبر سفاري 3 انواع

   1 – سيتات جلد بيج وشي دفعات نزل فيها جلد أسوَد وهذا الجلد بس ينزل للسوبر سفاري رقم واحد على واحد

   2 – كان ينزل مخمل شامواه بيج

   3 – شي دفعات نزل فيها مخمل شامواه أسَود
   ………

   بالنسبة للسفاري الفرش 3 انواع

   1- مخمل شامواه بيج
   2- مخمل شامواه أسود
   3 مخمل رمادي عادي وهذا كان ينزل حق السفاري رقم 2 على 3 وحق السلق

   ……..

   المواصفات الداخلية حق موديل 2005 الى 2007

   السوبر سفاري الكيجات ماله زينون
   السوبر سفاري فيه بوصلة + مقياس حرارة الجو
   السوبر سفاري الكراسي ماله الامامية تتحرك بالكهربا
   السوبر سفاري فيه شمسيتين وباثنينهم فيهم ليت وجامه
   السوبر سفاري الكرسي مال السايق والكرسي مال المعيوني المخدة مال الكرسي اتميل على تحت وفووق
   المسجل مال السوبر سفاري فيه مسجل + 6 سي دي
   مثبت سرعه
   ……….

   السفاري
   الكراسي عادية تتحرّك باليد
   الكيجات ماله عادية
   مافيه مقياس حراره ومافيه بوصلة
   فيه شمسية ولكن بدون ليت
   الكرسي مال الدريول والمعيوني المخدة ماله ماتتحرك ثابته
   المسجل مال السفاري فيه مسجل وسي دي واحد
   مثبت سرعه

   بالنسبة للديفلوك والفتحة

   السوبر سفاري رقم 1على واحد يكون فيه فتحة وديفلوك
   السوبر سفاري رقم 1 على 2 يكون فيه فتحة وديفلوك
   السوبر سفاري رقم 2 يكون فيه كل المواصفات ولكن بدون فتحة وبدون ديفلوك

   …..

   السفاري

   السفاري شي منهم يكون فيه فتحة وديفلوك وشي منهم فتحة بدون ديفلوك ..

   وشي منهم بدون فتحة ولكن فيه ديفلوك يعني على حسب الطلب

   بالنسبة حق موديل 2008 – 2009

   صار التعديلات كالتالي

   الفرق صار بين السوبر سفاري والسفاري

   التخطيط الخارجي بالكامل تغيّر بالنسبة للسوبر سفاري

   السوبر سفاري صار فيه شاشة ونافيقيشن

   وصار ينزل لون المخمل بيج شامواه . او جلد بيج حق رقم واحد

   وللسفاري فقط مخمل شامواه بيج وحق رقم 2 للسفاري مخمل رمادي عادي

   اتمنّا انّي افدتك

2. بحكم خبرتي فالفتك

   سوبر سفاري = عداد الحرارة + ليتات العداد + دفلوك + كراسي اعرض عن السفاري + جلد + حساسات + شاشة ونفقيشن + من الخارج + شنب وتقريبا اكثر السفاري فيه شنب + تخطيط السفاري + الكتابة بالخلف سوبر سفاري + من داخل لون الطبلون بيج والبيبان بيج والسفاري لون الطبلون اسود والبيبان فقط بيج

   سفاري البعض يكون فيه دفلك + حساسات + الشنب فقط

   اما المواصفات الباقية نفس الشي من محرك والى اخرة ^_^

   وانا افضل السوبر سفاري عن السفاري لان الموتر تحس فيه مواصفات

   السفاري اذا حبيت تحولة سوبر سفاري على الاقل 10 الاف^^

   وبخصوص القطع الميكانيكية والكهربائية نفسها بالضبط

   واي استفسار ثاني انا حاضر

   واتمنى اني اكون فدتك ^_^

3. اصحاب الفتكات
   نبغى خبرتكم

   وشاكر لكم مقدما

4. جزاك الله خير اخوي خليفة

   طيب لو واحد جاب لي سوبر سفاري بدون نفقيشن معناه ملعوب فيه ؟؟ يعني هل كل السوبر سفاري لازم يجي وياه نفقيشن ؟؟
   والجلد هل كل السوبر سفاري يجي جلد ولا ممكن يجي بدون ؟

   يعني من بره مافي فرق السوبر سفاري عن السفاري بس الخطوط ؟؟
   يعني اركب خطوط وليت زنون ويصير السفاري سوبر سفاري ؟؟

   وياليت اذا تخبرني اذا القطع الميكانيكية والكهربائية هي نفسها من 2004 وممكن تركب على شكل 2005 وفوق ولالا ؟

5. طولي عمرك في فرق في المواصفات من 2005 ورايح

   يعني فالسوبر سفاري شاشه ( نفقيشن ) + درجة الحراره + ليتات الطبلون بيض ومايتبندن موول + جلد + الكراسي بالكهرباء + الليتات الاميه زينوون + تخطيط السياره كبير ( بيج + رصاصي )

   اتوقع هاي كل المواصفات اللي تفرق عن السفاري لان انا عندي سفاري وفيه فتحه ودفلووك وحساسااات 2008

   اي خدمه ثانيه انا حاااضر

   موفق ان شاء الله

Comments are closed.