السلام عليكم
الايفون موجود في دو وبدون ايجار شهري ب 2449 لل 16 جيجا
صراحة سعر ارخص بوايد من السوق ترا على فكرة مع انه نزل في اتصالات ودو بسعر ارخص الا انه المحلات بعدهم يبيعونه فوق ال 3000 درهم فانصح الكل ماياخذون من برع دو او اتصالات لانه مومضمون ويمكن مو مفتوح رسمي وبدون ضمان
مشكلة عرض اتصالات انه لازم تاخذه على بطاقة الفاتورة اما دو عندهم عرض للمدفوعة
انا مانصح اي حد يستعمل بطافة فاتورة على الايفون لانه النت يتم شغال 24 ساعة وبتيك الفاتورة بالاااف اذا ماكنت مشترك في الخدمة او اجاوزت اللمت
انا اليوم كنت فالاتصالات وتقدر تشتري الفون بدون العرض الي مسوينه
وسعر ال16 جيجا 2249 درهم
وسعر ال32 جيجا 2599 درهم
يعني اسعارهم منافسه للسوق وقالولي انه التيلفون بيوصل عقب يومين … يا اخوان اتصالات عنه تراها اموفرتلكم وايد اشياء بس انتو ماتحسون فيها ..
واكبر دليل خدمة اي لايف الي امحطمه السوق حاليا 32 ام بي على 499 درهم.
انا استخدم بطاقه التوأم والثنتين فيهن نت
وحده استخدمها فالاي فون والثانيه فلاش للاب توب
والحمدلله الامور طيبه عندي
لا اخوي كم شخص بيلس وببيند مب كلهم يعرفون هالشي وبعدين لو بند الداتا حت رسايل الوسايط ماتوصل
سيري قسم خدمة العملاء وشوف الشكاوي من هالشي واخرهم واحد اعرفه وصلت فاتورته 4000 درهم وعقب قطعوها
ليش حبيبي بالاف ..
يوم بتوصل البيت بند الداتا واشبكه بالواير لس كذالك فالدوام او الكوفي ..
والله يا اخوان استغرب من كلامكم …. مع احترامي الشديد لكم …. اتصالات إذا ما تذبحنا ما تسمى اتصالات …. ركزوا معاي …. اول شي يقولك انترنت غير محدون … ويحطولك نجمة … وتحت كاتبين 2 جيجا بس …. و دو معطين الناس 10 جيجا …. اتصالات ويا دو منعو الفيس تايم … يعني المكالمات المرئية ولا زم تشترك فيها … مع ان الخدمة من ابل و موجوده و متاحة للجميع حول العالم مع الشبكات و الشركات الاخرى …. على فكرة اذا بيوصلكم مسج بالنجليزي يقولكم شرجة المحمول تبا تسوي ابديت للتلفون ببلاش … سوو الغاء لأنهم بيوقفون الفيس تايم ….. انا اشتركت في الانترنت 1 جيجا في الايباد و طلعت من شهر بطاقة بعد حق الاي فون …. تصدقون الانترنت ما يشتغل الا في جهاز واحد … ورحت اتصالات وقالو لي بالحرف الواحد ان ابل مانعه هذا الشي … مع ان النوكيا وغيره تشغل الانترنت على جهازين … يعني لازم اشغل الانترنت على جهاز ابل واحد ما يصير جهازين ممكن جهاز ابل وجهاز من شركة ثانية … كلمت ابل و سألتهم قالولي ما عندهم خبر وهم ما عندهم مشكلة ابداً …. و الدليل على كلامهم نسيبي موجود في اسبانيا و يستخدم الاي باد و الاي فون و فيهم الانترنت والانثنين فيهم نفس الرقم …. رجعت لإتصالات وقلتلهم اللى صار … قالي الموظف بالحرف الواحد يا اخي انت ازعجتني و في مراجعين غيرك و انت اتضيع وقت … يالله عاد بالله عليكم هذا رد … خلوها على الله …. اللى كاسر ظهر دو سوء شبكتها … ولازم نصبر عليها …. صدقوني ما بيعتدل السوق الا اذا دخلت شركة ثالثة في السوق … وكله كوم و اعلان اتصالات اللى كان في رمضان كوم ثاني … اونه ما اسمعك ما اسمعك …. صلخوهم ب 400 الف غرمة …. خلوهم يسمعون عدل … والارسال فل بعد …