السلام عليكم
الايفون موجود في دو وبدون ايجار شهري ب 2449 لل 16 جيجا
صراحة سعر ارخص بوايد من السوق ترا على فكرة مع انه نزل في اتصالات ودو بسعر ارخص الا انه المحلات بعدهم يبيعونه فوق ال 3000 درهم فانصح الكل ماياخذون من برع دو او اتصالات لانه مومضمون ويمكن مو مفتوح رسمي وبدون ضمان
مشكلة عرض اتصالات انه لازم تاخذه على بطاقة الفاتورة اما دو عندهم عرض للمدفوعة
انا مانصح اي حد يستعمل بطافة فاتورة على الايفون لانه النت يتم شغال 24 ساعة وبتيك الفاتورة بالاااف اذا ماكنت مشترك في الخدمة او اجاوزت اللمت
اليوم انا مريت اتصالات اسألهم وقالوا الجهاز ما ينباع بدون باقه
وحاليا العروض بس للفاتوره وعروض الواصل بتنزل في الفتره القادمه
يا ليت ما تكتبون شي الا يوم تتاكدون منه ..
الخدمه شغاله للفيس تايم .. وانا كنت مشترك بباقة ون قيقا للانترنت واشوفها وايد انا عندي شغال الايميل 24 ساعه والماسنجر واصرف من الباقه خلال شهر 400 ام بي يعني ولا شي …
اذا كانت عندك فاتوره من اتاصالات ومشترك في ال3 جي مابيسحب من رصيدك ولا بياخذ عليك دبل بس تأكد انك مشترك
السلام عليكم ورحمة الله وبركاته،،،
اذا قطعوا خدمة الفيس تايم عن الايفون مالهم ….اعتقد ما يسوى 1500 درهم….
التجار مسوين حملة ضد الاتصالات و دو، و المشكلة كلها تضليل
المهم بختصار مع الباقات “اي باقة” التلفون يطلع عليك ارخص من السوق بوااااااااااااايد
شي عضو اسمه الياسي حسبها هب بالاله الحاسبه ، الا حسبها بالمسطره و الفرجار (جدييييم)
…………..ز
ثاني شي بخصوص الاخ اللي يقول الانترنت يطلع بالالاف .. انت لو تشتري سياره من الوكالة و تخليها تشتغل 24 ساعه ، هاي غلطة الوكالة و لا غلطتك؟؟
لا اتقول ما اتعرف .. يعني الاتصالات اللي اتعرف انت شو تستخدم التلفون فيه، و الصراحه اللي ما يعرف للانترنت و الايفون يتم على نوكيا بو ليزر ، و محد يتعلم بلاش ، انت الحين اول شي بتسويه بتوقف ال PUSH Notifications. اللي هي شغلتها كل 5 دقايق تدخل الانترنت و دور على ايميلات جديدة وصلتك و تعرضها على جهازك (على فكره هاي اهم خدمة موجوده في الايفون)، و شي برامج تستخدم هذي الخدمة و كل كم من يوم تدخل النت و تشوف اذا شي تحديث للبرامج متوفر على الانترنت
(طبعا هذا شرح مبسط للخدمة)
………………….ز
لكن ارد اقول الاتصالات و دو ، فشلوا يوم منعوا الفايس تايم باسلوب طفولي ، و انا عن عمري ما كنت بستخدمه لكن يعاملون الزبون ك غبي، يقولك شركة ابل منعته، شركة ابل و لا مفتكره اصلا لا في اتصالات و لا في دو ، و الله احس اخرتها شركة ابل بتسفه للدول العربية كلها و بتمنع اجهزتها انها تدخلها،
و ابشر الاتصالات و دو بينزلون جيلبريك و بيشغلون الفايس تايم