اين القروض ياهيئة ابوظبي للاسكان ؟

202 thoughts on “اين القروض ياهيئة ابوظبي للاسكان ؟”

1. الله يطول عمر شيوخنا مايقصرون والي يعلم هب مثل الي مايعلم . انتو لو عرفتوا القروض تنزل لمن ساعتها بتقولون والله ظلمناهم وهم يستاهلون ونحن الحمدلله اشوى منهم . هناك لجنه ولجان يمر فيها طالب القرض منذو تقديم الطلب يلين ينزل اسمه في بنك الخليج الاول تخيلو ا كم من المراحل يمر فيها حتى يتم التوقيع عليها من الشيوخ رئيس المجلس التنفيذي بو خالد طول الله عمره لاحد يشكك ولا يوسوس ان في واسطات ومدري شو لا كل من حصل على قرض هو فعلا يستحقه . ومثل ماقالو الاخوان هو قرض يعني 30 سنه وانت تسدد فيه فلاحد يستعجل رزقه و لاتعلمون وين الخير لكم والله يرزق الجميع والله يحفظ شيوخنا مايقصرون يزاهم الله خير .

   ولد عمي ..
   الظاهر انك بنيت ومرتاح ..ونزل لك القرض وعندك عشرين بيت .ولا ما بترمس وبتقول ماشي واسطات ..
   حبيبي ..دلوة الامارات العربيه المتحده اكثر دوله مشتهر فيها الواسطات ..ولا تقولي ماشي ..انا عمري الحين 30 سنه ..ولفيت كل مجالات الحياه ..ودخل على ( 2 من الشيوخ ) واحد عشان الرقرض وواحد عشان المديونيه ..ولا ياني حتى اتصال من الديوان ..لا تقولي ماشي واسطات ولا محسوبيات ..
   اذا انت اهلك مدلعينك ..حس بمعاناة الاوادم يالغالي ..الناس كلها في بيوت للأجار ..وانا اولهم ..بتقوللنا لازم نسعى ؟
   سعينا وكل المسؤولين الكبااار والصغار لو ودهم يروغونا من الباب .ويخلصون ربعهم وعيال عمومتهم ..
   اعرف ريال قاللي اذا تبا تخلص ..رابعلك وحده وطرشها ..والله بتخلصك ..قوللها بعطيج نصيبج يوم يظهر القرض ..100 الف مثلا” ..( قلت له اعوذ بالله من الدرهم اللي بييني بهالطريقه ) …مع العلم انه هالطريقه ناجه ميه بالميه ..لانه كم مره يطرش ف الدواير الحكوميه …وتخلص كل اموره ..خلوني يا جماعه ماكل الهم بروحي ..ولا برمس .لانه اعرف انه كلامي بيوديني في داهيه ..لكني اتكلم من الضيقه ..ويوم اشوف الاوادم متضايقه اشاركهم همومهم ولو بكلمه …

   همسه ( احس اني استويت وافد في بادي …مع انه الوافد والأجنبي عايشين احسن عننا في بلادنا )
   كلمه لشيوخنا الكرام .. ( ارحموا من في الارض يرحمكم من في السماء ) …شوفوا هالناس اللي تحتكم ( البطانه الفاسده ) ترانا مش قادرين نطلع حقوقنا بسببهم …رجاءا” يا شيوخنا ويا تاج روسنا ..شوفولنا حل ..نحن كمواطنين تعبنا …رواتبنا تروح في غلاء الاسعار ..وأجار البيت ..وصرف على الوالده والاهل والزوجه الخ .. والله ما يتم شي …لا حول ولا وقة الا بالله ..حسبي الله ونعم الوكيل …واستغفر الله الذي لا اله الا هو الحي القيوم واتوب اليه

2. معادله عجيبه :

   صاحب بيت شعب + صاحب ارض سكنيه جاهزة الخدمات

   معطيات هيئة القروض لحل المعادله :
   
   1- صرف قرض سكنى لصاحب البيت الشعبي
   2- احالة صاحب الارض السكنيه جاهزة الخدمات لانتظار دوره في القرض السكني

   نيجة المعادله : صاحب الارض يستأجر عند راعي البيت بعد بناء الفله الاضافيه من القرض وعلى صاحب الارض الانتظار
   
   التوصيه : على صاحب الارض تجديد عقد الاجار سنويا

   هذي منهجيه هيئة القروض في الصرف

   في الفترة القادمة سوف يكون التركيز في صرف القروض على اصحاب البيوت لاشعبية القديمة مثل بني ياس والوثبة واليحر والمقام وزاخر اي كل المناطق القديمة لان البيوت قديمة جداً غير اصحاب الاراضي الي فيها خدمات
   
   Arcal Engineering Consultant Projects واجهات فلل ,تصاميم مباني تجارية ,تصاميم هندسية أركال للإستشارات الهندسية
   

3. معادله عجيبه :

   صاحب بيت شعب + صاحب ارض سكنيه جاهزة الخدمات

   معطيات هيئة القروض لحل المعادله :
   
   1- صرف قرض سكنى لصاحب البيت الشعبي
   2- احالة صاحب الارض السكنيه جاهزة الخدمات لانتظار دوره في القرض السكني

   نيجة المعادله : صاحب الارض يستأجر عند راعي البيت بعد بناء الفله الاضافيه من القرض وعلى صاحب الارض الانتظار
   
   التوصيه : على صاحب الارض تجديد عقد الاجار سنويا

   هذي منهجيه هيئة القروض في الصرف

4. الله يطول عمر شيوخنا مايقصرون والي يعلم هب مثل الي مايعلم . انتو لو عرفتوا القروض تنزل لمن ساعتها بتقولون والله ظلمناهم وهم يستاهلون ونحن الحمدلله اشوى منهم . هناك لجنه ولجان يمر فيها طالب القرض منذو تقديم الطلب يلين ينزل اسمه في بنك الخليج الاول تخيلو ا كم من المراحل يمر فيها حتى يتم التوقيع عليها من الشيوخ رئيس المجلس التنفيذي بو خالد طول الله عمره لاحد يشكك ولا يوسوس ان في واسطات ومدري شو لا كل من حصل على قرض هو فعلا يستحقه . ومثل ماقالو الاخوان هو قرض يعني 30 سنه وانت تسدد فيه فلاحد يستعجل رزقه و لاتعلمون وين الخير لكم والله يرزق الجميع والله يحفظ شيوخنا مايقصرون يزاهم الله خير .

   الله يطول بعمااااارهم نحن ماانشك فيهم حشاااا والله ,,الله يعطيهم الف عافيه نحن نرمس عني الي تحت الشيوخ ,,,لو الشيوخ يدرون بحالنا ماصار هذا حالنا,,,والواسطات موجوده ,,يعني الواحد لو عمره 33 سنه وبعده ينتظر القرض,,,والقرض بعده مانزل و30 سنه واهو يسدد ,,؟؟؟خلها ع الله بس

5. لاحد يشكك ولا يوسوس ان في واسطات ومدري شو لا كل من حصل على قرض هو فعلا يستحقه .

   شو رايك واحد من الاهل حصل بيت و فوقه قرض و متزوج حديثا لان يعرف واحد يشتغل في الديوان و رتب له أموره … أبد ما شي واسطات و الله على ما أقول شهيد

Comments are closed.