باب الكعبه الشريفه للبيع والوسيط له 200 الف عموله

54 thoughts on “باب الكعبه الشريفه للبيع والوسيط له 200 الف عموله”

1. اخويه هو مب صارقين الباب

   في السعوديه عندهم قبيله مسؤوله عن تبديل كسوة الكعبه والباب وهم يحتفضون فيهم الهم

   هاي القبيله هي الي بايعه الباب يعني الشي ملكهم

   هم بني الشيبه وهايييل من سنين هم اصحاب كسوة الكعبه والباب الي يتغير

2. الله يبيعه قبل لايبيع الباب

   وبعدين اكبر حراميه تراهم المرتزقه الي في الحكومات لانهم يستغلون نفوذهم فهمت كيف

   وهب معناتها في الحكومه يعني خلاص

   هذا سارق ويستاهل الموت لو صح الخبر

3. اخواااااااااااااني

   قبل طرح الموضوع تم سؤال عدد من العلماء ومن بينهم احمد القبيسي وقال انه بيعه مب حرااام

   لانه الحكومه السعوديه اتبدل الكسوه سنويامع الباب

   اشتراه واحد من تجار الإمارات واللحين حاب ارد ابيعه

   اذا مشايخنا اقولون مب حرام ليش الواحد منا يفتي

   وبعدين بني شيبه بنفسهم المسؤولين عن هالمقتنيات نقوا الباب بطياره خاصه الى دبي

   والي يسال عن عمولتي فهالشي مايخصك والريال الي شاري الباب من اهلنا ومااعتقد اني باخذ عنه نسبه

   اذا الحكومه السعوديه موافقه والقبيله الي مسؤوله هي بايعتنه ومشايخنا اقولون مب حرام وين الذنب ف الموضوع؟؟

   مثل ماقلت الباب والكسوه تتبدل سنوي وهالباب لسنه 24 هـ

   تسلمون على المرور الطيب

4. .. إنا لله وإنا إليه راجعون ..

   .. الله يهديك ويهدي هالمصدر الثقة اللي فالحكومة السعودية ..

   .. الحكومة السعوديه هب قاصرها شي عشان تبيع اشياء متعلقة بالكعبة بالقطع ..

   .. الحكومة السعودية.. لو عندها ضائقة مالية هل السعودية ما بيقصرون ..

   .. ما ادري والله .. لهالدرجة البيزات خلتك أعمى وتعرض شي حساس لكل مسلمي الدنيا بهالسهولة!! ..

   .. يا خوفي باجر اجوف موضوع ببيع ………………….. من المدينة المنورة!! ..

5. والله مادري شقول الموضوع شدني لدرجة اني

   رديت مره ثانيه للتعقيب عليه !!!

   باب الكعبه ماغيره ؟!!!!!!!!!!!!!!!!!!!!!!!!

   والحقيقه حبيت القي نظره على مواضيعك

   عسب اعرف طريقة تفكيرك

   جان القى موضوع طارحنه حضرتك عن بيع قطع في

   الكعبه الشريفــه !!!!!!

   اخويه انت تخصص الكعبه المشرفه ؟!!!

   مره تبيع بابها ومره قطع من الكعبه

   ياخويه خل الكعبه في حالها رحم الله والديك

Comments are closed.