السلام عليكم
الحمدلله عزمت وان شاء الله باجر ساير العمره
طبعا روحي محد وياي وساير على عمى يعني ما حجزت في فندق ولا شي
ممكن حد ينصحني بالفنادق اللي في مكه
اهم شي يكون قريب من الحرم وسعره مناسب
ارجو الافادة باسرع وقت لان طيارتي باجر المغرب
ومشكووورييين 
الله يبلغنا الاراضي المباركة
والله زمان ما رحت .. عشان جي ماقدر افيدك
بس عسى الله يحفظك ويتقبل منك ويردك لاهلك بصحه وسلامة
لا تنسى اخووك من دعائك
امانه
هالمداخله مالها داعي لكن يمكن تنفعك اخوي …
ابراج مكه مسوين لها تجديد قبل فتره .. يعني بتلقاه افخم عن دار التوحيد .. دار التوحيد فخم لكن على دفاشه
.. يعني لو قدر نسيبك يحجز لك في ابراح مكه بيكون احسن ..
الله يحفظك اخوي …
شكرا عالمشاركه القيمه
بشوف دار التوحيد توني ارمس ربيعي اهله هناك قال بيخلي نسيبه يحجزلي بس يقول زحمه عندهم ان شاء الله يلقى حجز !
اشكرك مرة ثانيه عالمساعده
نصيحتي حاليا في الوقت الحالي لا تاخذ فندق زمزم .. لانه بعدهم شغالين فيه ولين ما توصل للغرفه تستخدم اكثر عن لفتين … يعني حوسه فيه شوي …
تبا فنادق قريبه مالك الا دار التوحيد او ابراج مكه .. اتوقع ان ما خاب ظني بيكون التوحيد بــ 650 وابراج مكه بـ 550 بهالحدود ما اتوقع اكثر … انا اكلمك عن فتره ما تقل عن نص سنه .. لكن هي مواسم وهالفتره مافي موسم عشان يغلون يعني اسعارهم بتكون قريبه من هالمبلغ …
ولو حسيت انهم شوي عالين باسعارهم وتبا فندق قريب وسعره زين وبس للمبيت فعليك بدار كنده .. بتلقاه لاصق في برج زمزم وشكله غريب لان برج زمزم جديد وهو باين عليه شوي قديم …
غير هالفنادق لا تسير .. سوفيتيل بيكون زين في رمضان مب في هالوقت لانه مرتفع شوي وتقدر تدخل منه على السطح على طول بدون ما تدخل الحرم لكن في هالايام مافي سطح .. سطح الحرام ما يفتحونه الا في المواسم يعني بيكون السوفيتيل بعيدج بالنسبه لك
بالتوفيق ولا تنسانا من صالح دعائك …
ماعليه ياخوي انت سويت اللي عليك واكثر مشكور وما قصرت
وان شاء الله لين باجر يصير خير
الف شكر