باركن في ميناء ابوطبي

8 thoughts on “باركن في ميناء ابوطبي”

1. و الحل يا جماعه اتر محد ضاع في الطوشه غيرنا
   الله يشهد عندي رخصه صيد من سنتين و الطراد مبركن واقف لاني من الخسر الي خسرته ولا من المصاريف الي ادفهه علي الباركن وتجديد الرخص
   وما اسمع غير الصبر القوانين بتتغير واخنا انكع بيزات لين ما نشفنا
   ومحد راضي يشوف لنا حل الجمعيه تقول الهيئه والهيئه تقول الجمعيه
   الله المستعان

2. قتها بلسانك الرخص حق ناس وناس واسهم الجمعيه حق ناس وناس حتى التوريد مالهم فيه بس اسم ونحن نكد ونسوّي ونورّد لكن منو بيسمعك او يسمعني يعني انت بين نارين نار الاداره لي اكل عليها الدهر وشرب ونار القرارات لي ماتخدم مصلحة الجمعيه نفسها…
   يابت حقهم المشاكل ياخوي روح الصبح الليلام ماشي سمج ؟؟!!!
   اصبح التوريد من عمان والامارات الاخرى اكثر من امارة بوظبي…تبيني اقولّك كم قارب صيد يطلع يوميا من بوظبي تقريباً ينعدّون ع الاصابع …
   وقولّي الخباط كم واحد اقولّك بعد معدودين ومعروفين …..
   مثل ماانت تسأل ومنزعج من لي صاير اقولّك لك حق اخوي bunass الاداره ماعندها تخطيط ودراسه وتقييم بالنسبه للصيّادين ..
   ياخي ربعي من قطر قالّي كلمة حزّت في خاطري وكنّا نتكلّم عن البحر وخيره, وجمعية الصيّادين عندهم. تعرف شو قال:
   انتوا هل بوظبي تمنعون الصيد وتربّون خير البحر ونحن هل قطر نلقاه جاهز ودهري ونصيده …
   اترك لك الساحه
   استغفر الله الحي القيوم واتوب اليه

3. هدي هدي الفشت، ترا الجمعيه من زمان في الباي باي، و بعدين الإدارة القديمة ما قصرت في التخريب، و لو لقو فرصة ما خلو شئ، و باقي الميناء موجود و هم الي ما ركبو المنصات. أنا شخصياً عندي باركن ما ببيعه من ناحية أخلاقية ما أقبل خلو الرجل. بس الفساد المنتشر خلي الخلق كلها لها سعر تبيع نفسها به، ممكن النظره سوداويه بس شوف أسعار رخص الصيد، نص الي في البيئة عندهم رخص ما يوردون عليها و محد يكلمهم، و يوم نطلب رخص جديدة قالوا ما نصدر، و الحق أنها تطلع بس لناس و ناس بدون ذكر أسامي، و يستثنون المعالي و السعادة من أنهم يطلعون و الواحد من كثر الزط صحته تهد جبال، خلنا ساكتين يا عمي و سعر الخبز رخيص يا باشا

Comments are closed.