الســلام عليكم و رحمة الله و بركاته.
باركو لي , أخيراً بعد عناءْ 4 شهور حصلت على منحة .. قرض .. مادري وش اسميه.
بس الي أعرفه إنه في واحد يداوم بوزارة الأشغال سوالي خير و طلع لي أرض سكنية في مدينة اسمها ” كلباء ” و في المنطقة الي اسمها ” مربع 16 ” الي هي قريبة من مربع 17.
انا من الفجيرة شو طلع لي هالارض في مدينة تابعة للشارجة ؟؟؟ ما أدري شو صاير بس يالله الحمدلله !
طبعاً انا فاقد الأمل اني بحصل بيت شعبي ولا فيلا .. و قررت آخذ قرض من البنك 4 مليون درهم و رهنت السيارة و شركة الوالد و أمري إلى الله.
إلي أبغيه من الي ساكنين في مدينة ” كلباء ” او صوبها يخبروني عن هالمنطقة و يجاوبون على هالأسئلة :
1. الأرض طينية ولا مخلوطة يعني رمل + حصيات ؟؟ يعني لما أحفر يطلع لي ماي و لازم اصلح الارض؟
2. في ناس ساكنين بهالمنطقة ؟
3. في شوارع معبدة في هالمنطقة ؟
4. المحلات و الجمعيات قريبة ؟
5. المدارس الابتدائية للبنات و الأولاد قريبة ؟؟ و أقرب روضة كم كيلو ؟
6. فيها امان هالمدينة ؟؟ يعني ماشي مشاكل ولا ضرابات ولا جرايم ولا ناس يحفرون و يدعمون الصغارية.
سمحولنا على الإطلالة و سلامتكم.
تشكرون يا جماعة الخير على المباركة.
لكن ممكن حد يجاوب على أسألتي اولاً ؟
و شكراً مقدما
بالبركه ياخوي تستاهـل
وموفق خير بئذن الله
والا الامـــــــــــــــــام
دائمـــــــــــــــــــــــا
تستاهل كل خير و الله يعطيك خيرها ويكفيك شرها
اللهم بارك
ماشاء الله مبروك والله يوفقك ويسعدك
ألف مبروك .. ألف مبروك .. أخوي