الســلام عليكم و رحمة الله و بركاته.
باركو لي , أخيراً بعد عناءْ 4 شهور حصلت على منحة .. قرض .. مادري وش اسميه.
بس الي أعرفه إنه في واحد يداوم بوزارة الأشغال سوالي خير و طلع لي أرض سكنية في مدينة اسمها ” كلباء ” و في المنطقة الي اسمها ” مربع 16 ” الي هي قريبة من مربع 17.
انا من الفجيرة شو طلع لي هالارض في مدينة تابعة للشارجة ؟؟؟ ما أدري شو صاير بس يالله الحمدلله !
طبعاً انا فاقد الأمل اني بحصل بيت شعبي ولا فيلا .. و قررت آخذ قرض من البنك 4 مليون درهم و رهنت السيارة و شركة الوالد و أمري إلى الله.
إلي أبغيه من الي ساكنين في مدينة ” كلباء ” او صوبها يخبروني عن هالمنطقة و يجاوبون على هالأسئلة :
1. الأرض طينية ولا مخلوطة يعني رمل + حصيات ؟؟ يعني لما أحفر يطلع لي ماي و لازم اصلح الارض؟
2. في ناس ساكنين بهالمنطقة ؟
3. في شوارع معبدة في هالمنطقة ؟
4. المحلات و الجمعيات قريبة ؟
5. المدارس الابتدائية للبنات و الأولاد قريبة ؟؟ و أقرب روضة كم كيلو ؟
6. فيها امان هالمدينة ؟؟ يعني ماشي مشاكل ولا ضرابات ولا جرايم ولا ناس يحفرون و يدعمون الصغارية.
سمحولنا على الإطلالة و سلامتكم.
واحد من الشباب عندكم بالمنتدى ولد حلال ما قصر معاي يداوم بالأشغال كلم كم من شخص مسؤول و دبرو لي أرض.
حبيت أضيف ان جوازي ” الشارجة ” بس من مواليد الفجيرة.
عالعموم ليش كل البهدلة شو الفرق بين جواز الشارجة و الفجيرة و دبي و بوظبي ؟؟؟ كلنا عيال دولة وحدة ليش التفريق بين الجوازات أساساً .!
و الي طلع لي هو ” قطعة أرض ” في منطقة اسمها مربع 16 , و البيت معزم عليه خلاص كبرو عيالي و تعبت صوتي ” نبح ” من كثر ما اترجى في الحكومة لا بيت ولا قرض … حتى صندوق الزواج تميت معاهم فترة طويلة و ما نزلو لي أي فلس آخرتها عرست بكاشي و تعبي.
يعني ياخوي ما أقدر اراجع نفسي في هالشي , كل الخيارات خلصت من أمامي ما بقى غير إني أبني لي بيت بفلوسي حتى لو البنك يساعدني راتبي انا و حرمتي بغطي .
تراني ببني البيت مو بس لعيالي , للوالد و الوالدة و اخواني الباقين يعني البيت يكفينا كلنا إن شاء الله
تحياتي و السموحة.
__________________
الف مبروووووووووووووووووووووك اخووي
و تستاهل كل خير
و الله يعطيك خيرها ويكفيك شرها ان شاء الله
موضوعك محير … ما فهمت الصراحة..
المنحة غير …
والقرض غير ….
ووزارة الاشغال ما توزع اراضي سكنية … توزع مساكن حكومية .. توزيع الاراضي السكنية عن طريق البلدية …..
بعدين كيف انت بالفجيرة وتنعطى ارض ب كلباء ….. الا اذا كان جوازك صادر من امارة الشارقة…
وما شا الله خذت قرض ب اربع مليون …… شو بتبني بيت ول بناية …؟؟؟؟؟؟؟؟؟؟
ورهنت الي جدامك ولي ورااك …. ارجووك راجع نفسك في هذا الموضوع….
انت الحين شو طلعلك بالضبط … ( منحة او قرض او ارض او مسكن حكومي )؟؟؟؟