السلام عليكم جميعا و شحالكم عساكم بخير يا مرحبا
حلمت حلم غريب عجيب عن مشروع 
المشروع حلال 100% و مفيد للبيئة و لدولتنا
المشروع راح يكون إعادة تدوير المخلفات(( بلاستيك/ ورق / حديد / الومنيوم ))
طبعا تخيلوا الزباله اللي راح تختفي عن الحارات و الشعبيات
اللي ابا أعرفه من وين بييب هالنفايات
طبعا بعضكم بيقول طرش قطاو من بيتكم ييبن لك شوية كشرا خخخخخخخخخ
مخلفات الحديد او الالومنيوم هل نستوردها و هل فيه أنواع أو هل هو متوفر في الدولة
و بكم الطن لو استوردناه
و وين ممكن نبيعه في أبوظبي أو دبي
الكراتين و البلاستيك من وين نحصل التجار اللي يجمعون
النحاس و ما أدراك مالنحاس
المطلوب معرفة المعدات اللازمة والتكلفة التقريبية و من وين نشتريهم
و أفضل الأنواع من ناحية بلد المنشأ
بالتوفيق ان شاء الله
إذا حابب تسوي دراسة جدوى ترى مكتبنا أخصائيين بدراسات الجدوى خاصة اللي بسويها حقك مجموعة من الخبراء تبين خقك كل صغيرة وكبيرة حى الدقيقة من الزمن أو الغرام من الوزن كم يكلفك ووسائل تسويق منتجاتك
0507179019
هلا والله …. حبيت أضيف هذه المعلومه
حاليا في الزراعه على سبيل المثال بأمكانك ان تتظمن محصول مزرعه بمبلغ مقطوع يعني تاخذ المزرعه بمبلغ وعند نضوج المحصول تاخذه وتبيعه بالسعر الي هو بالسوق ….
مستقبليا ممكن تجيك شركات الى منزلك ويتضمنون الزباله الله يعزكم …. ويعطونك مبلغ مقطوع مقابل انهم ياخذون منك المخلفات الصادره من منزلك وممكن يوفرولك اوعيه خاصه لك بمنزلك ترمي فيها المخلفات او الزباله وهم عليهم جمعها وترحيلها بشكل يومي ….. يعني يشترون منك هذه المخلفات ….. والي يدفع اكثر هو الي ياخذ الزباله
الحين المفروض الشركة الي تجمع النفايات وتنظف البلد تكون مناقصه لي الشركة التي كم تدفع مقابل اعطائها صلاحية تجميع النفايات والمخلفات من البلد…
والسموحه
يزاك الله خير يالمرر
للرفع و التذكير
بالتوفيق ان شاء الله …. والموضوع كبير والله ويحتاجله دراسة جدوي …. وليس الوحيد بالبلد هناك الكثير من الي يعملون بهذا الشي وهم بكثره على ما اعتقد بالشارجه وابوظبي ومعظم الي يجمع الكشره والسكراب هم الهنود والبكستانيين ولهم مجمعات بصناعية الشارجه وصناعية المصفح بأبوظبي … ما تلاحظون السيارات والافراد الي تحوط على مكان تجمع الزباله في الاحياء السكنيه الي يجمع الكراتين لوحدها والي شال يونيه ويجمع فيها الغواطي او العلب المعدنيه ….. وهم يعرفون وين يودونها أكيد للاشخاص المهتمين بأعادة تدويرها سواء بالبلد او خارجه …..
الله يوفقك وييسر امرك