السلام عليكم ورحمة الله وبركاتة
كيف الحال
عندي موضوع شآغل فكري كثير واتمنى منكم المساعدة بأقتراح
ربيعي عطآني مبلغ مالي وقدرة : 85 الف درهم اماراتي
طبعــــآ البيزات فوايد
المهم عطآني المبلغ وقال لي اني اتصدق فيهآ على المحتاجين المواطنين ..
اتصلت بولد عمي بما انه يشتغل بلبنك وقلت له اييب لي ظروف فاضية عسب احط بكل ظرف مبلغ وقدرة 1000 درهم واتصدق به
ولد عمي قالي اعطية الملبغ وهو بسويهن بظروف من البنك
عطيتة المبلغ وقلت له يآخذ من الملبغ 5000 درهم له عسب تعبه وجي
الحبيب خربها خذ البيزات من صوب واختفى من صوب ثاني
والبارح سافر ماليزيا هو وربعـــــــة
كل ما اتصلبه او اخلي الوالدة تكلم امة يتشرد ومايرد عليه
قهرني مسافر امسات ماليزيا
الحين انا احس بتانيب الضمير شو الحل .. محد يقولي ابلغ الشرطة .. هذا ولد عمي حسبت اخوي
مشكورين
الله يعينك ياخوي والله
والحمدلله الاعضاء افاادوك وااايد
وان شاء الله يكون درس للجميع
وانت رد البيزات لصاحبها وتفاهم وياه وقوله كل لاي صار
ولو تبا راايي خله يوديها لجمعيه خيريه احسن لكم عن الصدعه هاي كلها
و ولد عمك يوم يرد تنااوله من المطااار بخيزران منقعه بماي وملح ههههه
واشخطه جداام الكل لين يقول بس واصلبووه بالشمس وخله يتأدب
هذا كلام صحيح اخوي عمير وانا اقول بعد انك تبلغ اللي اعطاك الفلوس لانه اعتبر نفسه انه
قام باخراج الزكاة وانها سقطت من ذمته لانها الحين صارت في ذمتك حيث انه اءتمنك
اما اللي سرق الفلوس فالموضوع بينك وبينه يردهن بالطيب أو بالقوه أو تدفعهن من مالك
اتمنى لك التوفيج وان لآ تكون ممن اذا أءتمن خان رغم انك تعرضت للغدر والاحتيال
والسوحه
بسم الله الرحمن الرحيم
صحيح هي فلوس سحت ربوية ، لكن انت مؤتمن عليها حتى تسلم لاصحابها
اللي اعرفه انو مثل هذه الفلوس توزع على مشاريع الخدمات بدون احتساب اي اجر من الله كون الله عزوجل طيب لا يأكل الا طيبا ،،،
الحل تشوف ابن عمك وتتفاهم معاه ولو ظهر سوء نية في الموضوع هدده بالشرطة ، معليش ابن عمك لكن وينه عن صلة القرابة لما سوا فيك هالحركة ؟؟؟؟!!!!!!!!!!
وفي النهاية انصحك بسؤال العلماء مثل ما قال الخ متعني ومتصرف
الله يوفقك ويفرح ياعمير
انته عطيت كل الاعضاء درس مابينسوونه لان اخوهم طاح فهالموقف
الله ايسرلك الامور يارب
والله اني زعلت على الموقف اللي صااار …
بس الحمد الله قدر الله مااا شاء فعل
ولاااا تشتكي له عند الشرطه لانك مااا عندك اي شااااهد او دليل على انك سلمته البيزاااات