حبيت اطرح هالموضوع عسب الفت نظر الغافلين لهالشي وانبه ربيعتيه بعد واستفسر اكثر
الشي اللي اطريه هوه برنامج ينحط ع قناة “هي” .. وحده مسلمه اظن..تقرا كروت التارو ومادري شو وتحسب بالارقام وتقولكم شو بيستوي وشو ياينكم واذا شي سفر …الخ واخر شي تقول الله واعلم
السالفه هيه معروفه يبون بيزات..واكثر تركيزها ع اهل الخليج وكل دقيقه تقول نحن بيسرنا تواصل اهل الخليج اكثر وانا هب منجمه انا عالمة ارقام والله واعلم..وهالحرمه كانت هب متحجبه بس خلاف تحجبت..مادري هدايه من الله ولا تمويه لخداع الناس
الحين انا طبعا ضد هالشي .. لان الامور اللي بتستوي للأنسان في علم الغيب وعالم الغيب هو الله ومحد سواه .. بس هيه تتنبأ مثل الارصاد الجويه .. الارصاد الجويه انبنت تنبؤاتهم ع حساب حركة الهوا اللي ياي وجذه اما هيه ع شو بنت تحليلها وتنبؤاتها .. ع الارقام ..؟؟
انزين هالارقام عباره عن شو .. يعني تاخذ تاريخ ميلاد فلان وتقوله جذه وجذه بيستويلك .. يعني تحسب ارقام ميلاده وعقب الارقام اللي تـطـلعلها ادورهن فكروتها وكل كرت يرمز لرقم..وخلاف اطابق الرقم بالكرت ومحتوياته ؟؟؟؟
شو الحكم فهالاشيا .. حرام طبعا بس هيه تعتبر منجمه صح ؟؟ .. وهل فعلا شي علم اسمه علم الفلك .. يعني سناريو حياة الانسان مرتبط بالفلك ومواقع الكواكب والنجوم ؟؟
ولا علم الفلك هو العلم اللي يدرس الظواهر الطبيعيه كالخسوف وحركة الشمس فالسما واختلاف فصول السنه والاهتداء بالنجوم …الخ <<< ها علم الفلك بالنسبه ليه .. لا ارقام ولا حساب مجريات حياة الانسان
ربيعتيه مره دفعت مبلغ معين عسب ترمس عالمة الابراج جمانه .. وقالتلها انها بتنتقل من بيتها وفعلا حدث هالشي .. وهالشي هيه مستغربه منه
واذا الواحد شافها من باب التسليه هزركم حرام ؟؟
لانه تظييع وقت ع شي تافه والافضل انه يقراله سوره من القرآن ولا يسويله شغله تنفعه بدال متابعة هالمنجمين !!
السموحـــــــــــه
ابدن ماقلت شي غلط
ثانكس ع الــرد
السمـــــــــوحه .^_^
والله مثل ما قالو
كذب المنجمون ولو صدقو
و السحر او الروئيه المستقبليه او غيرها
حرام
المستقبل بأيد الرحمن
والدنيا و الدين بايد الله سبحانه و تعالى
والله يبعدنا من الشر و شر السحر و الشعوذه الي تؤدي لصاحبها الكفر
يسلمليه منطوقج السنع يالغاليه .. والحين رمستج بتقراها ربيعتيه وان شاء الله تودر هالسوالف
.^___^
كـــذب المنجمـــون لـــو صـــدقـــوا ..
اللي يشــــوف القنــاة حتى عسب تسلية بعد ما يجـــوز
لأنه باب الشيطان و بتشــي دخلتــي الشيطــان على البيت ثم العقــل ثم الجــوارج
وهنـــا يستـــوي الشخـــص مسير وغير مخير وراء الشيطان
هــو مثـــل السحــــر ( تخيـــلوا نفسكم يالسيــن تســوون سحــر لروحكــم
تــــرضــــونه لكــم ؟؟؟؟؟