ارقام ابوظبي مثل ماعرفنا ونزل القرار ونتريا تنفيذه انه
1)الاحمر القديم بيكون الفئه 4
2) الفئه5
3) الفئه الـ 6
4)الازرق الفئه 7
5) الرمادي 8
6) الاخضر 9
============
يعني الاقوى الفئه الاقل 1و 2 و 3 و 4 و 5 شرات دبي الاقوى الكود الاقدم A B C D ..
اقوى رقم بصير في ابوظبي الفئه 1 و2 و 3 بس مادري كيف بيكون صرفهم ..
وبعدين الاحمر 4 ولي بعد الاحمر على طول الفئه الـ5
يعني صار الفئه الـ5 اقوى من الارزق وغيره من الوان
يعني المفروض يصير شي من هالاثنين
1) يا ترتفع قيمة الفئه الـ5 فالسوق بالتدريج
ويكون اغلى من الازرق والرمادي والاخضر كـ سعر
او
2) تنزل قيمة الارقام الازرق والرمادي والاخضر تحت اسعار الفئه الـ5 وبالتدريج
يعني اسعار الفئه ال5 تثبت شرات ماهي مع ارتفاع بسيط وباقي الفئات تتأقلم حسب ترتيبها بين الفئات ..
==================
وانا استبعد ارتفاع قيمة الفئه الـ5 بقوه بعد هالقرار لعدة اسباب اولها الازمه و…و… ..
يمكن ترتفع بس في حدود المعقول بشي بسيط جدا بدون مبالغه يمكن ماترتفع قيمة الفئه ال5 بس مااستبعد يزيد الطلب عليها عن باقي الالوان على اسعار اليوم بعد تنفيذ القرار واذا زاد الطلب شو بصير ؟؟..
ومهما صاار يبقى الاحمر هو الاحمر
والازرق هو الازرق
والاخضر هو الاخضر
والرمادي هو الرمادي في قلوبنا
وطولت عليكم واايد
لي رجعه ان شاء الله
بعد سماع آرائكم
والله حرام يالريع أنا عندي رقم أحمر مرتب 29299 بيكون شكله غش في اللوحه اليديده والله قهر يالربع
بس شو منقول أنشاء الله بيكون تغيير في القرار
اعرف وااحد شاري ارقام ثنائيه دبي بـ 2,700,000 واليوم بـ 950الف مب امحصل شراااي
وشاري ثلاثيات بـ 450الف واليوم عارضنهم بـ 180الف !!!
الكل كان يتوقع وانا واحد منهم انه يصير :-
الاحمر القديم 1
الازرق 2
الاخضر 3
الرمادي 4
الفئه الخامسه 5
وانت رايح 6 و 7 و 8 …..
بس يي القرار وخربط كل شي
مشكوور على المشاركه اخوي :-
صح سوق غريب وعجيب بس الناس اتعلمو عدل من هالازمه ..
خل الاسعار ترتفع مره وحده وبقوه سؤال بس ويين الشرااااي ؟؟؟
بالتدريج شوي شوي على عيني وراسي بس بقوه من 40الف الى 70الف و 90الف
استبعد بالمره انه يحصل شراي ..
كلنا نقدر نعرض بأي سعر نباه بس السؤال المهم وين الشراي ولا بس مجر شكل ونراوي الناس ..
انا عندي رقم دبي 123 في شخص عارض كود ثاني بـ 900الف
وانا الي عندي بـ 500الف شوف الفرق يمكن هو عارض رقمه عسب الناس اتشوفه بس انه عنده هالرقم انا عارضنه للبيع وبسعر اليوم !!!!
السلام عليكم ورحمة الله وبركاته
أخي السوق متشبع بالارقام والي بياكل المقلب شاري الرقم من المزاد يعني أعرف ناس شاريين ثلاثي 490 والحين يقول بابيع 280 والي ظلم صاحب الرقم القديم احمر وازرق ورمادي يعني المفروض أنته يحط نفس الفئة الخامسة فقط يكون فئة اولى مش تحطه فئة 4 !!!!!
لكن يبدوا ان هناك مازال فلوس في جيوبكم خخخخخ يعني الكل يحب أن يمكلك رقم 11 ياسلام قبل 15 بيع 50 مليون عيل 1 والفئة الاولى جم تتوقع اقول اللهم أحسن خاتمتنا !!!!
مع احترامي يا خوي بس سوق الامارات سوق غريب وعجيب. و من وجهة نظري انك بتشوف ارتفاع اسعار الفئة الخامسة وبشكل كبير بعد. وبالنسبة للاحمر واللاخضر والرمادي والازرق غني ويانا ” كان يا ماكان في قديم الزمان“…..