ارقام ابوظبي مثل ماعرفنا ونزل القرار ونتريا تنفيذه انه
1)الاحمر القديم بيكون الفئه 4
2) الفئه5
3) الفئه الـ 6
4)الازرق الفئه 7
5) الرمادي 8
6) الاخضر 9
============
يعني الاقوى الفئه الاقل 1و 2 و 3 و 4 و 5 شرات دبي الاقوى الكود الاقدم A B C D ..
اقوى رقم بصير في ابوظبي الفئه 1 و2 و 3 بس مادري كيف بيكون صرفهم ..
وبعدين الاحمر 4 ولي بعد الاحمر على طول الفئه الـ5
يعني صار الفئه الـ5 اقوى من الارزق وغيره من الوان
يعني المفروض يصير شي من هالاثنين
1) يا ترتفع قيمة الفئه الـ5 فالسوق بالتدريج
ويكون اغلى من الازرق والرمادي والاخضر كـ سعر
او
2) تنزل قيمة الارقام الازرق والرمادي والاخضر تحت اسعار الفئه الـ5 وبالتدريج
يعني اسعار الفئه ال5 تثبت شرات ماهي مع ارتفاع بسيط وباقي الفئات تتأقلم حسب ترتيبها بين الفئات ..
==================
وانا استبعد ارتفاع قيمة الفئه الـ5 بقوه بعد هالقرار لعدة اسباب اولها الازمه و…و… ..
يمكن ترتفع بس في حدود المعقول بشي بسيط جدا بدون مبالغه يمكن ماترتفع قيمة الفئه ال5 بس مااستبعد يزيد الطلب عليها عن باقي الالوان على اسعار اليوم بعد تنفيذ القرار واذا زاد الطلب شو بصير ؟؟..
ومهما صاار يبقى الاحمر هو الاحمر
والازرق هو الازرق
والاخضر هو الاخضر
والرمادي هو الرمادي في قلوبنا
وطولت عليكم واايد
لي رجعه ان شاء الله
بعد سماع آرائكم
انا بعد سمعت نفس الشي بخصوووص القراااار ……
__________________
ياخوي صور معه
وبعدين يوم تبدله قلهم ضايع 
سؤالج في محله اختي الاخضر انا كنت اتوقع قبل الرمادي….
بس عن الفئه 1 و 2 و 3 لين الحين حسب كلام المسؤول ماعدهم اي فكره شو بصير فيها ..
والكلام الي عرفتيه مجرد كلام ومافيه اي قرار فيه ..
الهيئات والدوائر الحكومية فئة وحده تسدها يعني كم سيارة عند السفارات ولا الدوائر !!!! توصل 99999 ماظن مستحيل توصل نصف العدد وبعدين هل معقول تعطيها فئة اولى !!!!! عطها فئة منقعه أخيره 9
الصبر زين ويا عينج ماتشوف 
اللي عرفته ان الفئات من 1- 3 بتكون للهيئات السياسيه والقنصليه والدبلوماسية وبنفس الشكل يعني باللون الاحمر وعندي تساؤل بسيط وهو : كيف يكون الرقم الاخضر بالفئة 9 والرمادي بالفئه 8 مع ان الاخضر اقدم من الرمادي وموجود قبله بسنوات طويله