ارقام ابوظبي مثل ماعرفنا ونزل القرار ونتريا تنفيذه انه
1)الاحمر القديم بيكون الفئه 4
2) الفئه5
3) الفئه الـ 6
4)الازرق الفئه 7
5) الرمادي 8
6) الاخضر 9
============
يعني الاقوى الفئه الاقل 1و 2 و 3 و 4 و 5 شرات دبي الاقوى الكود الاقدم A B C D ..
اقوى رقم بصير في ابوظبي الفئه 1 و2 و 3 بس مادري كيف بيكون صرفهم ..
وبعدين الاحمر 4 ولي بعد الاحمر على طول الفئه الـ5
يعني صار الفئه الـ5 اقوى من الارزق وغيره من الوان
يعني المفروض يصير شي من هالاثنين
1) يا ترتفع قيمة الفئه الـ5 فالسوق بالتدريج
ويكون اغلى من الازرق والرمادي والاخضر كـ سعر
او
2) تنزل قيمة الارقام الازرق والرمادي والاخضر تحت اسعار الفئه الـ5 وبالتدريج
يعني اسعار الفئه ال5 تثبت شرات ماهي مع ارتفاع بسيط وباقي الفئات تتأقلم حسب ترتيبها بين الفئات ..
==================
وانا استبعد ارتفاع قيمة الفئه الـ5 بقوه بعد هالقرار لعدة اسباب اولها الازمه و…و… ..
يمكن ترتفع بس في حدود المعقول بشي بسيط جدا بدون مبالغه يمكن ماترتفع قيمة الفئه ال5 بس مااستبعد يزيد الطلب عليها عن باقي الالوان على اسعار اليوم بعد تنفيذ القرار واذا زاد الطلب شو بصير ؟؟..
ومهما صاار يبقى الاحمر هو الاحمر
والازرق هو الازرق
والاخضر هو الاخضر
والرمادي هو الرمادي في قلوبنا
وطولت عليكم واايد
لي رجعه ان شاء الله
بعد سماع آرائكم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
امممممم الظاهر الموضوع حامي
الخامسه بتظل خامسه والسادسه تتبعها وبالتنازل كل ما كان اصغر كان اكبر كلامي مفهووم
واللي احمر بيصير رابعه بس لو كان احمر منقع الصراحه شكله بيكون مش ممكن
والباقي لو كان مميز كلن بكوده وببلاش
مثل ما قال اخونا بنتلي
ولين الحين اشوف الخامسه هي متصدره من ناحية الكودات بما انه انباعت ارقامها المميزه ولا تزال هناك ارقام لم يتم الكشف عنها الى اجل غير مسما
قرار الكودات لين الحين عالورق والاخبار وما شفنا عالسيايير شي
واتريو وانشالله خير
وراحت علييييك يا المميز
اشكر الجميع على مشاركتهم فهالموضوع الرائع
والكلام اللي انا سمعته من مصادر مسؤؤؤله تؤكد كلام الاخت ((حشيمه))
واللي بيصير بيـــنصرفن للهيئات الحكوميه والدبلوماسيه والسياسيه والاعتباريه
طبعا هالكلام مبدأي ويمكن تصدر قرارات ثانيه يعني يمكن يفتحووون باب البيع للفئات اليديده
والله ولي التوفيق
انا اشوف سالفه الكودات من ما بيتأثر فيها غير الي شارين كود 5 في الوقت الحالي .. . أما الكودات الباقيه تراها ببلاش حصلو عليها …
السلام عليكم
الفكره من الموضوع العوائد المالية الضخمة من الارقام مثل ماذكر احد الاعضاء مثل الرقم 1 الفئة 1 و11 و111 راح احطمون الاسعار القديمة وهذي الفئة بكون الطلب عليه كبير
السلام عليكم ورحمة الله وبركاته
شكرا محللنا حبيب الكل على الموضوع الحلو
ميزة الارقام الحمر خاصة المميزة من ثنائي وثلاثي هب الشكل او اللون
ميزة هذة الارقام انها تقريبا كلها لناس معروفين في ابوظبي يعني معظم الشواب الله يرحهم او ايطول بعمرهم عندهم هذة الارقام
واذا قلت لك اي رقم بتقول عند فلان
الحين هذة الميزة راااحت خلاص حتى الشخص اللي الأجنبي اللي عندة فلوس بياخذ احسن رقم وبتروح هذة الميزة
ثانيا
المفروض الاحمر يكون بدون كوود
وبعدين الأزرق1
الاخضر 2
الرمادي 3
الرابعة فئة يديدة يكسبون فئة خالية
في كل العالم الفئات السياسية والقنصلية تكون بلون مختلف
اخضر مثلا
الايبجابيات
توحيد اللون افضل مع اني املك احمر مميز
لأنة الصين بكبرها اتوقع لوحتها بشكل او نظام واحد
فكرة ؟؟؟؟؟
الشارجة عطت الارقام الجديدة للي عندهم الارقام القديمة
يعني اذا بيعطونا نفس ارقمنا الحمر بسعر رمزي زين الصراحة
لأنة فية ناس عندها ارقام حمر ثنائية وثلاثية بيتكلمون وبيسون حشرة