اخواني انا شفت كم موضوع ان الإخوان يشتكون من الغش الي صاير فالسوق .. الي يشتري سيارة وتطلع مدعومه .. ومرات تكون دعمه قويه وتكون السياره مشطوبه من الوكاله وراعي السياره يقول بس مصبوغه المدمعميه علاشان الشحفات …..
واخر موضوع شفته واحد من الإخوان مشتري سياره وطلعت سيارة ايجار و الريال حليله مقهووور .. ربي يعينه
لاحظت ان كثير من الإخوان ما يعرفون … و يوم يبون يفحصون السياره يسيرون عند اي فاحص عادي مع انه ((مرات)) أصحاب المعارض يكونون متفقين مع الفاحصين .. أو يكون ربيعه وما يخبرك عن حالة السياره الصدقيه …
شو الحل ؟؟؟؟!!!!! شو أسلم طريقه و أسهل طريقه وما تكلفك ولا درهم ؟؟؟!!!!
نصيحه يا اخوان .. الي يبي يشتري سياره ياخذ بس ملكية السياره أو أي اثبات فيه رقم الشاصي ويروح على طول الوكالة ((دون ما يفكر وهذا أول شي يسويه)) .. الوكالة تطلب اثبات .. أو لو عندك رقم الشاصي ولحيت عليهم بيعطونك … و الوكاله بيطلعون لكم تاريخ السيارة كااااامل .. طلعت من الوكالة باسم منو .. لو شركة تأجير أو شخص عادي .. وكم سيرفس مسويين لها … ولو تعرضت لحادث أو أي شي .. حادث قوي أو حادث خفيف .. ولو ملعوب فالعداد .. و انته تروم تقارن تواريخ التشييكات مع مشي العداد و تعرف لو طبيعي ولا ملعوب فالعداد … وهالموضوع ما ياخذ دقايق وموظف الوكاله يطلع لك ريبورت ولا يقولك شفهي كل شي فالحال وانته جالس .. وما حد يروم يقولك كلمه لأنه حقك و انته بتدفع فلوس فالسياره ..
يعني بقول لكم سالفه : مره كنت بشتري كابرس من معرض .. قلت له عطني صورة عن أوراق السياره .. قالي ليش .. قلت له ابا أشيك فالوكاله .. ما طاع وقالي لا لا .. قلت له ياخي انا ما باخذ السياره انا بس ابا اشيك التواريخ .. و ما طاع … قلت له السلام عليكم ولبسته وهوّنت عن السياره ..
الواثق من سيارته بيقولك روح أي مكان .. الي تباه
ومن حركات الغشاشين سواء معرض أو فرد … يقولك ضايع دفتر التشييكات مال الوكاله مع ان السياره تكون ماشيه 8000 أو 20,000 أو من المديلات الجديده 2008 ,, 2009 .. لو السياره ماشيه وايد أو مديل قديم بنقول ما عليه لكن سياره توها يديده ؟؟؟!!! مثلا السياره الي كنت محصلنا موديل 2008 وماشيه 7000 ويقولي ما شي دفتر وكاله !!! هذا الي خلاني أشك
من الناس الغش في دمهم ويبيع دينه ويحلف كذب علاشان الفلوس … و العياذ بالله
والله لا يبلي مسلم
والسموحه من الجميع …
يا خوي بالنسبه للسؤال الأول .. ترا الوكاله لو اكتشفت أي تصليح خارج الوكاله تلغي الضمان .. وكيف يعرفون .. هاي شغلتهم يا خوي .. ^_^ .. و صعب جدا جدا شي يمر عالوكاله الا لو أشياء بسيطه .. خراطة درمات وهالأشياء الخفيفه … و الوكاله يا خوي يوم يشيكون السياره من بوز السياره لين اخرها … ويقدرون يطلعولك لو مصبوغه او شي .. وترا يا خوي مافي حد عنده سياره عليها ضمان ويروح يلصلح السياره عند كراج ويخربله السياره الا قليل من الناس ..
السؤال الثاني .. لو واحد ما يدخل السياره التشييك اكيد ما بتعرف لو الممشى طبيعي أو لا .. الا لو قارنت حالة السياره … تعتمد على خبرتك و انته بتكون عرفت ان السياره مو مسواي لها تشييك يعني راعيها مهملها و أغلب الناس يسوون تشييك لين ما يخلص الضمان .. بس بقولك سالفه وعسى فيها فايده للجميع
ربيعي كان بيشتري لومينا 2003 السياره شفناها عند صاحبها ماشيه 130,000 هذا سنة 2008 … رحنا الوكاله نسأل عن تاريخ السياره (History) >> طلع اخر تشييك على 140,000 سنة 2005 … ههههه
شو رايك انته ؟؟!! اذا 2005 ماشيه 140,000 و 2008 ماشيه 130,000 … العداد يمشي بالعكس !!!!
يعني السياره راعيها مو مقصر فيها .. وهالكنها .. ومنزل العداد وغشاش ..
و الله لا يبلي حد
عندي كم استفسار الرجاء من اصحاب الخبره يفيدوني ..
كيف الوكاله تعرف اذا الشخص صلح السياره برع الوكاله .. فكراج ولا شاري قطع و مركبنها عند حد ..
و على طاري العداد كيف يعرفون كم الممشى الحقيقي للسياره اذا كان شخص ما يدخّل السياره الوكاله ..
يعني ماشيه وايد و منزلين العداد ..
.
.
.
*** و في معلومه مهمه بعد يا جماعه … السيارات الي تكون مدعومه دعمه قويه .. وتتصلح برع الوكاله .. مثل السيايير الي تحصلوهن فالسكاريب يبيعوهن.. الوكاله تشطب هالسيايير … و طبعا يوم تسير تشيك فالوكاله يخبرونك لو مشطوبه أو لا
***
الي يحصل ان شركة التأمين تقارن لو سعر التصليح يكلف نص قيمة السياره فالسوق أو أكثر يكنسلون السياره … أو لو دعمات قويه مثل الشاصي و الأماكن الحساسه فالسياره … ويبيعوهن على الكراجات او السكاريب .. وطبعا الوكاله تشطب السياره من عندها .. لأنهم يشلون الضمان عن السياره .. وممكن تتخيلون سياره تصليحها يكلف خلنا نقول ثلث قيمة السياره كيف بيكون حجم الدعمه ؟؟؟!!!!
شـكــ وبارك الله فيك ـــرا لك … لك مني أجمل تحية .
صدقت ياخوي والله يجازيك خير على المعلومه
شـكــ وبارك الله فيك ـــرا لك … لك مني أجمل تحية .
موفق بإذن الله … لك مني أجمل تحية .