السلام عليكم إخواني
من فتره كان في موضوع بخصوص الشركة الي تيب سيارات من دون فوايد في دبي بس بفحص طبي وحطها عضو لالسف ناسي اسمه وقال ليتريا شهر لان اخوه طلب وبيخبرنا يالين تفيدوني هل الموضوع طلع نصبه ولا صج
ومشكوووووووووووووورين 
42 thoughts on “بخصوص شركة بن بدر للوساطة التجارية”
Comments are closed.
تحيه طيبة لكل الاعضاء الي ردو بهذا الموضوع وابغي اقول شي واحد
دام ان الي يبى يشتري مادفع ولا فلس للشركه طيب وين النصب والاحتيال بالموضوع ؟
يمكن هذه شركه الي ترمسون عنها مسويه اتفاقيه مع المصنع ( اتفاقيه تسويق ) ان مثلا على كل 10 سيارات تسوقها الشركه للمصنع تعطيهم سياره وجيه بيكون ربح الشركه
لو فيه حد خبروه ان يعطيهم بيزات وعطاهم وماكملو معاه باقي الاتفاق معناه ان الموضوع فيه نصب واحتيال
لكن دام ان الموضوع ماخذوه من حد اي مبلغ ماشي نصب واحتيال بالموضوع وبالنسبه للبلاغ الي يرمسون عليه الشباب الي صار للشرطه
مو يمكن يطلع بلاغ كاذب ؟
مثلا واحد قليل الاصل مينون بلغ عليهم وييت شرطه وطلع بلاغ كاذب واكبر دليل ان الشركه لين هذه لحظة شغاله وكل شي يمشي تمام
وكل شركه معرضه ان الشرطه تدخل لها سواء ان كان بلاغ او اي شي ثاني
اخوان حرام عليكم ترمسون جيه عن اي شخص او مؤسسه بدون ذكر الدليل لان جيه بتشوهون سمعتهم وبتحصلون ذنب عظيم من الله عز وجل
السلام عليكم ورحمة الله وبركاته
الموقف كالتالي قبل 3 اسابيع من اليوم طلب منى احد الاخوه مرافقته للشركه المذكوره
التفاصيل كما ذكرها الاخوه و لا تختلف عنهم
انا قرات الموضوع قبل يومين و اتصلت بالاخ كي اساله عن السياره لم يرد على اتصالي لانشغاله
تكلمت قبل كتابتي لهذا الرد مباشره و سالته عن السياره و خاصه انه من المفترض ان تصل بعد 10 ايام
الجواب : لقد راجعت الشركه امس الاحد 03-04-2011 و افادوني ان السياره سوف تصل نهاية شهر 5 مايو القادم
انتهى هنا جواب الاخ العزيز على سؤالي و عقب عليه و مازلت انتظر
طبعا كل الذي دفعه قيمة الفحص الطبي ……
بالنسبة لي لا تعليق و ننتظر حتى نهاية شهر 5 مايو
ملاحظه : الشركه المذكوره لا تستطيع استيراد التاندرا (التندرا) لماذا لا اعرف و لكن انا سالتهم عن التندرا قالوا لا نستوردها
اخواني مافي مكتب تجاره من غير فوايد و لا تقصون على نفسك الربح شوي مستحيل
انا في التجاره و اعرف كل شي التجاره اقل ربح 20 الف
انا توني الا اسمع عن الموضوع
بس عمري ما سمعت تجاره فيها فحص دم اخواني بالعقل شو دخل سيارة و فلوس و طلب في فحص دم ؟ و اللي يعطي معلومات و حجج علشان يظمن بالعقل و الانسان العاقل يحسبها فحص الدم حق شو اللي بيجاوبني بعقل انا بشتري من عندهم و بحط معاهم راس مال
و مافي مصنع يورد سيارات لتاجر خارج الوكيل هني الوكيل يرفع عليه قضيه و يطالبه بتعويض المساله مب سهله من المصنع
حتى لو سيارة مضروبه و فيها خراب يخلون الوكيل يعوض الشاري
انا عن نفسي في مزاد امريكا شفت المصنع نفسه يبيع سيارات بنص القيمه علشان صار تبديل للمكينه للجيب جراند اليديد
السالفه ماظمن ياخواني تعلموا من قبلان و البوم بسكم طمع في هالفلوس الااف اتضرروا من ورا هالسوالف
انتبهوا
انا لا تعاملت مع هالشركه ولا افكر لكن صدقوني الوضع مش مطمن و الدليل لو اوراقهم و كل شي قانوني ماكان فيه بلاغ عليهم من الاساس و ودوهم الشرطه
اشتروا من البلاد مستعمل من الوكيل اظمن لكم
السلام عليكم ورحمة الله وبركاته الله العالم بس انصحك لاتتعامل معاهم لانى اعتقد وما ااكد انها لعبه تجاريه وراها فايده بس كيف الله العالم والايام بتورينا الصد من الجذب موفق بإذن الله … لك مني أجمل تحية .
الموضوع مافي شي والكلام اللي انقال انه نصب ترا مافي نصب ولاشي الموضوع كله انه
انته مابتدفع اي شي اللهم للفحص والفحص هم يبغون يتاكدون انك سليم مافيك شي عشان يضمنون حقهم لانك بتدفع لسنوات على حسب الاتفاق 3 سنين او 5
والسيارات كلها عن طريق المصنع
الموضوع ومااااافيه انه السيارات يوم يرجعونها المصنع يكون عبأ كبير على المصنع انه المصنع مايقدر يرجع يبيعها لانه الوكيل يرجع السيارات او سيارات اتم طايحه في المصنع ومايكون طلب على السياره قبل كان المصنع يرجع يفكك السياره ويصهر الحديد ويرجع يصنع السياره من اول وجديد طبعا هذي تكلفه على المصنع وشغل زايد بيكون على المصنع
اللي صار الشركه اتفقت ويا هذي المصانع انه بياخذون السيارات اذا حد طلبها من الشركه والشركه جديده في هذا المجال حسب علمي
واللي يبغي يطمن خل ينتظر يشوف الناس اللي بتوصل سياراتهم وعقب يقرر
وطبعا مع نهاية 2011 بيكون مافي سيارات 2010 كله موديل 2011
هذا الي صاير هذا كلام واحد انا اتكلمت وياها وضح لي كل الامور