ملاحظة و وجهه نظر و عتاب لكم يا اعضاء المنتدى
و الله شرعا لا يجوز تبخيس البضاعة
لازم نكون اخوان متعاونين و نحب الخير للكل
الاخ الفاضل خلفان ما غلط و لا غش في سعر الموبايلات
و هو مش يالس يلعب او بتطنز وياكم و انتوا تتطنزون و بانشيو مدري شو
على شو كل هذا!!!
اللي ما بيا يشتري لا يتفلسف و الي بيشتري بيكيش
حد ظاربنكم على ايديكم و تحطمون مشاعر الريال
انا صار لي سنتين مع الصين اتعامل وياهم ما شفت اللي اشوفه عندكم
ما عندهم غير نييييييييييييييها نييييييييييها ( الترحيب عندهم ) ماعندهم سب و طنازة 🙂
[color=”Red”]++++++++++
مايجوز تعميم الكلام بهذه الطريقة
++++++++++[/color]
غلطة انا ارتكبتها اني رديت المنتدى اعرض و ابيع و اشتري
طحتوا من عيني يا ناس و انا طالع للابد و لا برجع لكم ولا بتأشيرة
باااااااااااااااااااااااااااااااااااااااااااي
ملاحظة:
انا ما استقبل اي طلبات بس اللي طلب امس بيوصله
عععععععععععععععععععععععع
صـــــــــــــح كلامكم
الصراحه الي ناوي يبيع ماحد ضربه على ايده
هاذا سوق واتفاق ولافيه زعل الواحد يوم يعرض سلعه اغلى من السوق ماحد يرمس
واذا ارخص اشتكوا الناس من خرابها ومشاكلها
وفي النهايه موكل تاجر يبيع ب السعر الي يعجبه هاذا سوق
وبنسبه للي يبخسون في السعر تراهم بيعرضون شي للبيع وبيصير فيهم نفس الشي
واقول ماحد تافه ولا حقود غير الي قالها على كل الموجودين في المنتدى
انا مستغرب من هذيلا الناس …
عنبوه يتحرون هم اعمارهم بس اللي يشوفون
واحنا لااا !!!!!!
انا صراحة بعض الاشياء في المنتدى اشوفها غالية
والبعض اشوفها أرخص من برع ….
في كلا الحالتين اذا عيبني السعر وانا مقتنع فيه
ليش لا دام بيوصل لباب بيتكم !!!!
واذا ما عيبني السعر … اقول الله يوفق الريال
ولا الله يوفق البنية على الاقل شادة حيلها ولا
الريال شاد حيله يبيع ويشتري وغيره وغيره …
وفي بعض المرات التاجر نفسه يمكن ينغرر
في بضاعه ويبيعها غالية وبدون علمه يشوفها
في مكان ثاني ارخص … مرات تحصل والله
واستوت في المنتدى وارسل للتاجر على الخاص
والتاجر بنفسه اعلن عن تغيير السعر مع انه خسران
بس شو يسوي .. انقص عليه في البداية والتاجر ما
حب يخسر سمعته في المنتدى … عنبوه عاد لها
الدرجة فيه ناس ما اتحب الخير للناس ….
انا انصح المشرفين بطرد نهائي لكل من يحاول
يخسس ويبخس بضاعة أي تاجر … يحقق مع
الشخص ويشوفون هل كان متعمد أو لا .. حرام
بعد يمكن يطلع مظلوم .. واذا ثبت عليه الكلام
ينطرد طرد نهائي … هذا رأيي واللي يابه .. اييب
1000 غيره … واتمنى التوفيق لكل التجار الصادقين
كع انفسهم ومع اخوانهم
اخوكم بوحميد