السلام عليكم
الحمدالله … الحمدالله … الحمدالله .
كانت لي عدة مواضيع سعياً لإيجاد شقة بمبلغ مناسب .. ومنها :
مطلوب شقة للإيجار – غرفتين وصالة – إيجار شهري – داخل أبوظبي
من الأخير : مطلوب شقة غرفتين وصالة داخل أبوظبي 100 الف
مطلوب أستوديو في برج داخل أبوظبي
مطلوب : غرفة وصالة ( فقط ) ب 100 الف .. عقد حكومي
ولكن وللأسف طمع السماسرة حال دون ذالك
والحمدالله جزاني الله خيراً على صبري هذا 
بحثت وتعبت .. بنفسي … بدون وسطاء ولا سماسمره .. (( لأنه في رأيي الشخصي هم من أهم أسباب أرتفاع الإيجارات بهذا الشكل الجنوني ))
والحمدالله وجدت شقة غرفتين وصالة في بناية (( 15 طابق )) نظيفة في مدينة زايد .. بسعر يفوق الخيال 95 ألف فقط .. ومن المالك مباشرة ..
وبدون أي معرفة شخصية بهذا المالك … مجرد أنه مواطن يخاف ربه .. وحب يساعد ولد بلاده ..
العقد حكومي .. واالحمدالله تم معاينة الشقة من قبلهم والموافقه عليها …
ونصيحة يا أخوان : ألي بيتعب بيحصل … ولا تعتمدون على السماسرة … لأنهم يطلبون أسعار خيالية جداً .. وهمهم الوحيد الربح السريع .. رغم إنهيار الإقتصاد العالمي .. ألا أنهم يكابرون …
الله المستعان عليهم
ما ادري كيف تستانس على غرفتين ب 100 الف
قبل اربع سنين ثلاث غرف وصالة 55 درهم وانت
حاليا غالبية وسطاء المكاتب العقارية ما يرضون بال5 % او حتى ال10 % عمولة اللي يتقاضونها عند تأجير اي شقه او فيلا فيحاولون يعوضونها من خلال رفع سعر الايجار حتى يحصل مبلغ زيادة
يعني المالك يقوله ابا 100 الف والوسيط يقول 180 الف وبيتكاسر وياك لين 150 الف وعشان خاطر عيونك 140 الف ودفع للمالك 100 الف وحط الباقي بجيبه
والدليل اتصلوا بالوسطاء وبتلاقيه يكاسرك على سعر الايجار ويسوي لك سعر خاص وبيقولك لا تخبر احد بس هالسعر عشان خاطرك ومقدر ظروفك
خخخخخخخخخخ
اي ماللك عندة فيلا في بني ياس شرق 8 او ملحق يخبرني بس سعر مقعول
لي شخصيا وليس لمكتب عقارات
الله يجعلها سكنى خير لك ولاهلك
شي شقق فاضيه غيرها..؟؟