نزّل العضو “سوّاح” عن الزواج التقليدي

و اتفق عدد من الأعضاء نوعاً ما على انتهاء صلاحية الزواج التقليدي للمواطنين في ظروفنا الحالية
ما هي البدائل المطروحة للزواج التقليدي؟
خلونا نركز على مجتمعنا… مجتمع الإمارات و المواطنين … و حدود التغيير في طريقة الاختيار للزواج

19 thoughts on “بدائل الزواج التقليدي (للمواطنين)”

  1. الانسان يا اختي يوم يبغي ينضر الى شي يا ينظر له نظره شامله وكامله او لا يلتفت الى الموضع ان اراد فقط ان يرد على الكلام الي ما عجبه وترك الكلام العقلاني وما طراه ليش ما علقتي على كلامي يوم قلت

    مب معناته انه البنت تدفن روحها بالحيا من حقها تسير وترد بس بحدود يعني معها حد من هلها اخ ام اب

    وتعلقيج على كلامي يوم قلت
    وبصراحه منظر البنات في السناتر ارواحهن لين الساعه 11 و 12 بالليل وايد يكدر حتى لو كانت محترمه

    ما يخصه في الموضوع

    ان بغيتي تطرحين موضوع وسعي صدرج للردود واراء الاخرين و وجهة نظرهم

    ولا لا تطرحين مواضيع يكون افضل لج لانه اعصابج بتتلف

    انا هذي وجهت نظري ارى الموضوع من زاويه انتي يمكن ماا تشوفينها او ما تبين تشوفينها و متجاهلتها والله العالم ليش ولا يهمني لماذا تم التجاهل منج

    بقولج سالفه حدثت لرجل

    يا ريال لشيخ دين او كبير قوم المهم قاله ابا فلانه قاله عينها طويله وطالع الرياايل وان ريال طيب قاله عادي انا راضي اباها قاله الحين انا ما ارضا انها هي تاخذك انت

    الريال الي ما يغار على عرضه مب ريال

    و الريال الي ما يرضى على عرضه ويلعب باعراض الناس مب ريال

    مستهينه بان البنات خاري بيوتهن لنصاص الليالي

    مستهينه ب سالفت القصه برا والعبا مرصصه و الجنز برا و العطر فايح

    يبويه السنعه محد يقدر يمس من راسها شعره لو هي بين الف ريال

    و ال (…….) لو هي بروها ومحكوره بقفص بعدها بتسوي الحرام

    مستهينه برمست فلانه وعلانه بالتلفون على اساس بس اصدقاء وبس Just Friends

    الملوك و الملكات يوضع التاج فوق راسهم

    ونحن البشر فوق روسنا تاج من رب العالمين ميز به الانسان عن سائر المخلوقات ووضعه على الراس

    الا وهو العقل “وميزنا الانسان بالعقل ”

    الانسان بيده يجعل هذا العقل تاج من ذهب

    و بيده يجعل العقل مجرت عضو لا فائده منه الا للتحرك والقيام بالوظائف الحركيه و الحسيه

    كل ما تحت العقل شهوات

    العين تشتهي ان ترا الحرام

    اللسان يشتهي بلفض الكلام المعسول

    الاذن تشتهي ان تسمع الرام

    اليد تحب السلب و النهب و ان تطول ما هو حرام
    القلب

    البطن
    الفرج
    الرجل

    ان سيطر العقل على هذه الشهوات كلها حينها يقال ويستحق ان يطلق على هذا الشخص انه انساااااان

    اما في حالت ان سيطرت الشهوات على العقل والغت الوضيفة التي خلقه لله لها الا وهي التفكير فهو اسمحيلي يستحق ان يطلق عليه ( حيوان )

    والي استنتجه من كلامج انج مب معرسه

    ولا لو كنتي معرسه كنتي بتعرفين شو معنى انه تيي وحده وتكلم ريلج او تغويه بحركات وانتي ضاهره وياه

    ولو تكرمتي اعرفي انه في ناس تقرا وتتأثر بالكلام ف اتمنى انج يوم تطرين شي ولا توصين بشي او تعلقين تكون تعليقاتج فيها مراعات لله

    اذا انتي شايفه انه الظهره على الفاضي و المليان للجنسين شي طيب انا اقولج الله يعينج

    وان كنتي تشوفين انه المسترات مب كلهن متسترات عشان بس محد يعرفهن ف اقولج اسمه ستر والستر مطلوب للزين و الشين

    وان ابتليتم فستترو

    الله يهديج ويعنج يوم انه هذي ردوودج وهذي هي طريقت تفكيرج

    انا قلت ومازلت اقول

    نحن بزمن

    يقال عن الغلط فيه تطور وتحظر و انفتاح و رقي في التفكير و التصرفات

    ويقال عن الصواب انه تخلف ورجعيه ومال اول على قولتج و و و و و و

    من شوي زادت نسبت الطلاق

    من شوي زادت العنوسه

    الجنسين ولا تنسين تعلقين على هالكلمه

    متشاركين في الخطا

    الدين قال

    البنت لبيتها

    و الرجل خارج البت للكدح

    تظهر للدراسه على العين والراس للشغل بعد مب عيب ولا حرام طالما في اطار الحلال تظهر مع زوجها خير وبركه وان شاء الله مأجوره تظهر مع ابوها اخوها ان شاء الله ماعليها حرج

    اما تطلع بروحها و مسويه بعمرها الهوايل واتم لين اخر الليل

    دخلت عالم الرجل يوم طلعت برا البيت لغير حاجه وبرحها من جي يتجرا الشباب الفاضيين عليها لانه الريال بصراحه ينظر الي البنت الي بروحها انها ما وراها ريااااااااال ولا مارظا انها تطلع بروحها

    والشباب للاسف ما وراهم شغله الا السناتر و الكوفي شبات وللاسف هاملين حريمهم في البيوت مستعد يدق سلفيات عشان بنات الليل بس مب مستعد يدخل على زوجته بورده

    مستعد يقعد بكوفي شبات لين تالي الليل بس مب مستعد يطلع هله خواته او امه الى مكان او سوق او يمشيهم حتى

    للاسف مجتمع الامارات تغير الى الاسوء اصبح كل شي عادي

    قبل لو نسمع انه ريال رقم يا الله الشباب يسألونه كيف وين ومتى وتطلع ولا لا

    و الحين ان عفوا انه في بنت ما تكلم او ولد ما يكلم قالو عنه متعقد ومب طبيعي

    الشاب الي يبا يختار عارضة ازياء او فنانهعلى قولتج او او او

    هو حر ويتحمل نتايج اختياره وراح يسائل يوم القيامه عن الام الي اختارها لاولاده

    و الزوجه نفس الشي

    انا ما اخترت اهلي ولا والدي ولا ابني شو جنسه او اصلي او لوني او طوري او اسمي الي انادا به طول عمري

    و الشي الوحيد الي يختاره الانسان هو شريك الحيات و ياما في ناس اختارو غلط لانهم مشو ورا شي مايسوا وبدوه على الاشيا الي تسوا والاساسيه

    الجمال مطلوب وما اقولج لا انا انسان احب الجمال كما يحبه الله

    ولكن يازين الجمال يوم يكون مغلف ب الاخلاق و الدين و الحسب و النسب و العلم

    و ارجع واقول الي يبا البنت اي يدق باب اهلها وغير جي لعب في لعب

    البنت تنشاف في الاعراس في الكليات الجامعات العمل ربيعتها جارتها ربيعت امها اختها عمتها عن طريق الاهل اما تيب واحد من الشات ولا متعرفه عليه على الممزر ولا في مول الامارات وتقص على هلها وتقول اخو ربيعتي اقولها تريي اليوم الي بتتعايرين به

    البنت او الولد الي مافيهم خير لهلهم مافيهم خير للناس والريال الي يجذب على هله لا تتوقعين انه بيصدق وياج انتي يا الغريبه

    و السموحه على الاطاله

    شكرا جزيلا على هذه الكلمة الطيبة
    صدقت في كل كلمة قلتها ونحن معك قلبا وقالبا
    تستحق وبكل جدارة درجة الدكتوراة على هذا الرد الشامل والوافي
    لك مني اطيب تحية والله يكثر من امثالك

  2. ارجو من ادارة المنتدى اغلاق هذا الموضوع لان الموضوع دعوة الى التخلي عن العادات والتقاليد والبحث عن الانحلال والزواج فريند

  3. للاسف مجتمع الامارات تغير الى الاسوء اصبح كل شي عادي
    قبل لو نسمع انه ريال رقم يا الله الشباب يسألونه كيف وين ومتى وتطلع ولا لا
    و الحين ان عفوا انه في بنت ما تكلم او ولد ما يكلم قالو عنه متعقد ومب طبيعي

    يا اخوي الحمدلله مجتمع الامارات بخير فيها وايد ناس محترمه و تخاف الله..فمايصير تعمم ..اما بالنسبه للناس اللي تقول للبنت اللي ماتكلم شباب “معقده”..فهذي الحمدلله مامرت علي و لاشفت هالتفكير! بناتنا ماشاالله فيهم اغلبهم المحترمات اللي ماتغرهم هالسوالف.

Comments are closed.