السلام عليكم،
الأخوة أعضاء المنتدى حبيت أطرح هذا الموضوع للمتعة ولاستعادة الذكريات خصوصا انه يوجد منا من كان سيتخدم الانترنت منذ سنوات طويلة وأحب أبدا بنفسي ومن يرغب من الأعضاء يمكنه إضافة معلومات أخرى
– أول مرة استخدام الانترنت: سنة 96
– أول برنامج اتصال بالانترنت (على الدايل اب): tcp-win
– أول برنامج رسائل: eudora lite
– أول متصفح: Netscape Navigator
– أول برنامج محادثات: netmeeting
– أول موقع: yahoo
– أول إيميل على موقع تجاري على ما أذكر: usa.net
– أول موقع عربي: arabia
– أول محرك بحث عربي: أين
– أول موقع إماراتي: جريدة الاتحاد
– أول منتدى عربي: الساحة العربية
– كذلك كان يوجد برنامج لجلب الملفات لا أذكر اسمه عن طريق ftp
الانترنت دخل البيت عندنا في عام 96…اخوي كان يستخدمه واذكر في موقع كل الناس تدخله..موقع جات الآمك..تسعيرة النت كانت وايد غالية ذيج الايام…عشان جي اخوي ما كان يخلينا نقعد وايد . شوف ويلا مناك
عقب سافرت لامريكا..بديت استخدم الانترنت في 97..بدون دراسة طبعا..قبل كل هذا كانت عندنا فترة تدريبية على الكمبيوتر…لعب برنامج سوليتير خخخخ……..وكل ما اطيح في مشكلة اتصل بشركة كومباك ( نوع الكمبيوتر)..احلى خدمة عملاء..استويت خبير من وراهم من كثر ما اتصل فيهم…..مع الايام اتعمقت فيه بشكل مو طبيعي..وصلت لمرحلة برامج الهاك وسوالف الخساس
كنا شباب مشتركين في سكن…ضرابة على الكمبيوتر..من حد يقعد على الكرسي ما يفج عنه الا بالغصب..مرات كنا نقعد 8 ساعات متواصلة…صدق ما كنا شايفين خير
..شات مع 5 في نفس الوقت…مراهقين….وحاطين اطلس ( مال الترجمة) للترجمة الفورية 
..بس صدق اتعلمت اللغة من على الكمبيوتر اكثر من الجامعة…
بس كانت صدق متعة..كل البرامج كانت مجانية في بدايات الانترنت..لين سنة 2000 تقريبا…عقبها قامت تاخذ منحنى تجاري..
واذكر برنامج free tel…اكثر برنامج اتصال كان مستخدم بين الناس….لين ما اتصالات سكروه في عام 2000 اعتقد..
اول مرة واخر مرة سو لي هاك في عام 98 ..كنت يالس عالجات…فجأة الشاشة غدت سوده…وواحد يكتب مسج عالشاشة..وطفى الكمبيوتر..وانا huh
وايد سوالف ومواقف استوت لنا…
مشكور اخوي على الموضوع الحلو…
تقرييبا عال 2001
للاسف ما اتذكر شو سويييت< <<<<<<<<<<<الكبر شيين خخخخ
يوم دخلت الكليـــــــــــه عرفت شي اسمه نت
ههههههههههههههه
والله ذكريات
اذكر اول مره دشيت النت ايلس ويا وحده في الكليه دوم اطلع صور ممثلين هنود وانا استانس
بعدين تميت روحي اتعلم اسوي سيرج
وكان في برنامج جات اسمه BBS ما بين كليات التقنيه كنا ضرابه عليه في المكتبه
وبدينا نتعلم على سوالف ال Chat اذكر وايد مواقع ايام OpsChat وفالكون جات هههه
والله ايام
وبعدين على الايسكيو
وتطورنا وتطورنا لين ما وصلنا للمنتديات
وها انا معكـــــــــــــــــــم ولازقه فيكم ومالي غنى عنكم