السلام عليكم ..
انا ابا استأجر شقة لاخوي في دبي وعن طريق القوات المسلحة ؟؟
سألت عن الاجراءات وقالولي دام انه يداوم في دبي وجوازه من الامارات الشمالية يحقله يستأجر وانه يعطونه لين 140 الف بس يطلع براءة ذمة من مؤسسة محمد بن راشد للاسكان انه ما عنده سكن في دبي وبراءة ذمة من دائرة الاراضي والمسح انه ما عنده ارض او بيت باسمه في دبي وطبعا اييب الكوتيشن ورسالة من الدوام انه لا مانع من تخصيص سكن ؟؟
كل هذا مقدور عليه !!
بس المشكلة انه الجيك مال الجيش يتأخر يمكن شهر او شهرين لين ما ينزل في حساب المؤجر وهذا اللي ملعوزني لانه اغلب المؤجريين يرفضون هذا الشي ومحد طايع يأجره !!
احلى شي اللي يقولك انا ما أأجر حق مواطنين والله لو ما يودني ربيعي كنت برتكب جريمة فيه !!
ممكن حد يفيدني كم يتأخر الجيك وهل في حل لمشكلتي !!
من بعدك يابوخليفه ..الروح صارت تليفه
الله يرحمك يازايد ……………. دوم أيده ممدوده بالخير والعطاء رحمه الله عليه
مواقفه وشهامته تغفرله ان شاء الله …….. ماكان يرضى المواطن يتبهدل وينذل بهذي الطريقة
من أسمه زايد …… مافيه نقصان
مفهومه أنزين ..
أن للغد لناظره قريب
الا قهر ومليون قهر بعد … الاجانب خاولنا شي في هذي لبلاد ؟؟
وين المسؤولين وين الوزراء ؟؟ اللي ولا واحد فيهم اتحرك ويقولك المالك حر بعقاره يأجره اللي يباه؟؟
وين عايشين نحن يوم المواطن ينداس بهذي الطريقة ؟؟ لا مش على كيفه !! بعد في بلادي وعلى ارض اجدادي واتقولي ما ابغي أأجرك ؟؟
اصلن ليش وصلنا لهذي الحالة اندور شقق نسكن فيها وبعد مش لاقيين ؟؟
حسبي الله ونعم الوكيل باجر بيروغونا من لبلاد
بالضبط شهر
ويمكن أقل من شهر