بدون تعليق (موضوع فكاهي)

فلان خذ سيــــــــارة….وكل يوم يمشيها 1000 كم……..يوم تقول له ياخي حرام عليك إرحمها….وبعدين عقب سنتين بتكون ماشية فوق الـ 200 ألف….ومابتييب لك سعر….

الرد جاهز ومُعلّب ومبستر…… ليش أنا ماخذنها عشان أوقفها وأطــالعها……؟؟؟؟؟؟

[عقب سنتيــن]…….الأخ يسأل ربعه ماتعرفون حد يرد العدّاد بدون لحّد يعرف..؟؟؟

—————

فلان يقول……أرجوك لا تقارن البي إم الألماني باللكزس الياباني أرجوووووووووووووووووووووووووك….(اللي بيسمعه بيقول حفيد (هتلر) ……..تقول له ياخي اللكزس تشيك….واييب لك سعر أحسن عن البي إم عقب كم سنة……….وأيضاً الرد جاهز ومعلّب ومبستر…. لأيش أنا ماخذنه عشان أبيعه….؟؟؟؟؟؟

[عقب كم سنة]……….الأخ مكلبشينه الشرطة…….متصافع مع الشرّاي على 800 درهم….

—————

قلت لواحد كندي……..عنده C350 عليها كت أيه إم جي……..ليش ماتحط C36…..عصّب وقال لأني مب كذّاب……….طبعاً قالها بالإنجلش…. قلت فخاطريه أخ لو تيي تشوف الشبيبة اللي محولين الـ G320 موديل 98 …. لـ G55 موديل 2011 ….. + أريال فزّاع….. عيبني راي الكندي وقلت لواحد من الربع ياخي هذا كذب وتزوير…….قال أنا أحب شكل الكت…..قلت أوكيه….ركّب الكِت وخلّه S350 ماله داعي الـ S65 …. قال مب شغلك……. من كثر ماشفت الـ S65 والـ S63 ظنيت إن المرور مانع الـ S350 والـS500 ……. وهذيلا كوم واللي ياخذ مرسدس أمريكي S550….وقبل لا يسجله في المرور يحط S500 …… يمكن عنده ولاء للخليج العربي…..

—————

تخيلوا الصين تصنّع سيارات تقليد…….رولز وبنتلي ومايباخ وفيراري……..إلخ…..حفلة

—————

مالاحظتوا……….إن موضوع حجز السيارات في الوكالات….ذهب مع الريح…؟
لعل المانع خير……وانقرضت تلك الفئة الاستغلالية…….إلى غير رجعة…!

————-

بصراحة سالفة تشيّك عالخاص هذي ما فهمتها……..يعني الأخ عنده سعرين….ولا يعتمد على رقم تيلفون العضو………..؟

————-

استعمــــــال سيدة……..هذي ميزة ولا عيب……؟ وشو المشكلة إنه قبل لايعلن عن البيت بأربع ساعات يسجلها بإسم حرمته أو أي وحدة من أهله و(كومشنها) محفوظ…..؟

———
والسموحة……..