السلام عليكم أخواني
بدون مقدمات لأن الموضوع عاجل
تم تسجيل أخ من الأخوه في أحد المنتديات الخاصة بالتوظيف وتم إرسال (c.v) إلى شركة نوكيا الموجوده في بريطانيا ومخاطبة سكرتيرة المدير عن طريق الإيميل
تم إرسال نسخه جواز السفر بناء على طلب سكرتير مدير الشركه
وعليه تم إرسال نسخه من عقد العمل إليه وبه شروط الوظيفه من جهة مزايا العمل (سكن وسياره إلخ ) وذلك بدون عمل أي مقابله أو أي شئ فقط (c.v) وجواز السفر
ولكن هو يشك في عدم جدية الموضوع أو ممكن يكون فيها نصب أو ما إلي ذلك للتأكد من صحة الموضوع
لأنهم الآن في إنتظار توقيع العقد وإرساله إليهم عن طريق الإيميل
برجاء النصيحه أخواني في المنتدى
جزاكم الله خير
وان وظفوك شو يوديك ياريال اللي يعطونك اياه بيروح على الضرائب والعيشه الغاليه
هم يتمنون ايون عندنا وانته تبا تروح عندهم؟
هذي وجهة نظري والله يوفقك
بعض الشركات العالميه تسويلك مقابله عن طريق الفيديو video conference. صعبه يوظفون حد بدون مقابله
حسب المتعارف عليه..المفروض جهة العمل ترسل له تذكرة سفر وحجز فندق لاجراء المقابلة الاخيرة قبل التوظيف وتوقيع العقد..
تأكد ما تدفع اي رسوم لشركة التوظيف، الجهة اللي بتوظفك لازم تتحمل رسوم شركة التوظيف..
كشركة خاصة نحن نتبع هذي الخطوات,,,
اول مرة اعرف في شركة اتوظف بدون ما تقابل الموظف..اعتقد الموضوع فيه شغل نصب وشركة توظيف وهمية…
اخوي وقع العقد وتوكل على الله مراح يصير شيء
اني اتوقع بعد ماترسل العقد راح يقولولك حول لنا مبلغ 400 دولار لغرض اكمال اجراءات التسجيل اذا ارسلتهم الفلوس بذلك يكون انصب عليك وراحت فلوسك بخبر كان
يصلي استخارة..
وينتظر يطرشون له تذكرة ويتأكد من اسم الشركة اللي حجزت له التذكرة ويسوي بحث عنها..
ويحاول يتصل ويطلب اسم السكرتيرة اللي تراسله..
والله ييسر عليه،،،