بسم الله الرحمن الرحيم
فالبداية هالموضوع موجه لشباب قبل البنات وباب الرد مفتوح لكل الفئات شباب وبنات .
الموضوع هو عن السرعه والشباب لكل يوم يموتون بسبب شو السرعه كل يوم نفتح الجريدة نحصل خبر وفاة بسبب السرعه او يوصل لك مسج يقول لك شخص عزيز قبل ساعه كان يالس معاك والحين الله يرحمه ليش يا شباب والله الانسان اخترع السيارة مب عشان نخسر ارواح بعض اختراعها عشان نقضي حاجاتنا الاب والام يربون ولدهم لين ما تطلع عيونهم ومن يوصل الولد 18 سنه طلع ليسن وسياره وبالاخر يسوي حادث ليش هالانسان قبل مايسرع ما يفكر ان في ام او اب فالبيت هو بيموت وبيفتك من الحياه بس بتم حسره فقلب امه وابوه ياناس اذا الحديد رخيص ترا الروح غالية وانصحكم يا شباب مب كل واحد شاف عداد موتره مكتوب 300 لازم يب 300 يا شباب حاسبو علي نفسكم وعن السرعه الله يهديكم ويخليكم لهلكم ترانا كلنا 800000 مواطن اذا كل يوم واحد يموت منو بتم لها البلاد فكرو يا شباب وعن السرعه 
عسى الله يهديهم ويحفظهم ويبعد كل اذى عنهم ويخليهم لاهلهم يااااارب…
شباب المستقبل لاتغامرون بحياتكم ترى الروح غالية
في نسبه قليله جدا تتعض من هالمواقف والحوادث اللي تصير
شاب صاحي ومافيه الا العافيه
يتسابق ويا ربيعه يسوي حادث يا اما يموت والا يعيش متشلل
الا من رحم ربي
الله يحفظ الكل ان شاء الله
اول شي ياراعي الكود 2 مشكوور ع الموضوع وترا حتى البنات هالايام يسرعن ويتسابقن زمن البنات الخوافات انتهى الحين لو ماتخووز عنا لبنت تدعمك الله المستعاان بس الله يهدي شبابنا وبناتنا …
والله اليوم تخاف يقولولك ابوك اخوك ابنك عمك خالك ولد خالك ولد عامك ربيعك
توفي في حادث
لحظة تستوي الحياة رخيصة
الله يحفظنا ويحسن خاتمتنا
موضوع حساس وفي وقته اخوي
والله غميظه عليهم شباب في عمر الزهور
شباب في مقتبل العمر … يتلاعبون بأرواحهم
وارواح الاخرين …
وحسرة الاهل على عيالهم تظل معاهم العمر كله ؟؟
كل يوم نقرا في الجرايد ونسمع عن عزاء فلان بن فلان والسبب الحوادث
والسرعه الزائده ؟؟
والله انه هذا الموضوع يترك في القلب غصه لا تزول و في العين دمعة لا تجف
الله يعين
الله يهديهم ويحفظهم