السلام عليكم
من قبل 10 دقايق اتصل بي واحد من الربع وكان في المرور يجدد سيارته
طلع لهم الوكيل مسؤل الكاونتر وقال بيتسكر السيستم لمدة كم ساعة
لانة يتهم اوامر بتخفيض المخالفات 50%
—————-
هذا الخبر كان في البلاك بيري من قبل كم يوم وانا ماصدقتة لين ما اكد لي الريال
مشكوور بو عسكور
والخبر أكيـد توني متصل فالمرور والترخيص،،
الرجــاء من الجميــع التقيد بالموضوع وعدم الخروج عن ذلك،،،
وهـــذا رقم خدمة العملاء للمرور والترخيص للي با يتأكـد
600577777
واللي دفع قبل؟
يردولنا فلوسنا؟
انا امس سرت المرور ودفعت مخالفة 500 درهم + شريت الحجز بـ 3000 درهم طبعا 12 نقطه
ودخلت المرور ساعه 7 ونص وتميت وآقف لي ساعه 9
لانه السستم ما كااان شغآآل أو بالاحرى كان في مشكله ف السستم
الموهييم دفعت البيزأأت ومآ سمعت حد قآآل انه في تخفيضآآت
ولكن عقب بالليل سمعت حد من الشبآآب يقول انه فييه امر سآمي والله اعلم
الخبر صحيح يا أخوان واللي راجع المرور قبل كم يوم كانت المخالفات او تحويل المخالفات على النيابة موقف حتى تتم دراسة الموضوع
ولاأخفيكم سرا” اني كنت سبب في دراسة الموضوع وماودي ادخل في التفاصيل
وأتمنى هالشي يكون حافز للجميع بالابتعاد عن المخالفات اللي ترهق الدولة طاقاتها البشرية والمادية
ودرهم وقاية خير من قنطار علاج
انزين انا خفضت المخالفات عند القاضي وما دفعة هل بيتم خصم 50 % من المخالفات وبيشملني هذا التخفيض ؟