السلالام عليكم الربع

شحالكم و عسااكم بخيير ..

صاحبكم من عشااق الفورويل .. عندي ستيشن Gx-r و مدلعني مثل ما اباا :075:

بعد تفكير عميق قررت اتخلى عن الفوريل و اجرب شي رياضي ..

فكرت بالزد 350 .. ما نصحوني فيه لعدة مشاكل ..

و ايضا بالكروفت .. سعره غالي وايد و مب مناسب لي ..

كنت ادور شي بحدود الـ 150 ألف ..

و عقب استقريت عالكابرس اس اس 2006 من وكالة بن حمودة ان شاء الله

سعرها 123 ألف .. بعد الخصم عطوني اياها 109 ..

طبعا مب اول مره اجرب موتر امريكي و عارف المشاكل اللي فيه :075:

بس الكابرس ف عمري ما جربته .. و ما ادري عن مشاكله ..

يا ليت لو تفيدوني بس عنه .. و اللي ما يعرف عنه ياليت يخبرني عن السيرفس عند بن حمودة – بوظبي

هل هو اوكي و لا اي شي .؟؟

و شو الاشياء اللي ممكن اطلبها مع السياره (سمعت انهم يسوون لها طبقه زيبارت ببلاش)

و مشكــوورين عالمرور .. و هالله هالله بالنصايح و المعلومات :075:

26 thoughts on “بشتري كـابـرس Ss موديل 2006 .. و ابي نصايحكم ..”

  1. مرحبااا :075:

    السموحه عالتأخير و الله يبارك فيكم .. و مشكورين عالسؤال ..

    بالنسبه للانطباع .. اول ما ركبت الموتر .. تحس انه صج صج موتر رياضي و فخم ..

    السيتات ماسكه عالظهر .. و العدادات و الموتر بكبره شكله رياضي ..

    بصراحه لحد الحين ما مشيت الموتر عدل .. خله يطلع من التمرين و عقب بنطلع له العين الحمرا شوي ..

    الحين مدلعنه ..

    بصراحه صرفية البترول روعه .. مع انه 8 سلندر .. بس بالنسبه للستيشن اللي كان عندي هذا كورولا :075:

    و بعدين الموتر تحس ان له فخامه و هيبه فـ الشارع .. يعني شغل عدل ..

    و السيرفس الوكاله قالولي اول تجييك ببلاش .. و الباجي ادفع :064:

    بس التأمين صكوني صكه .. العمر لو تحت الـ 25 البيمه بـ 13000 .. و انا 23 ..

    لكن سجلتها باسم الوالد و طلعت علي البيمه 5000 .. طبعا التصليح في الوكاله ..

    و بصراحه موتر و لا اروع .. بس بعدني متعود عالفوريل .. تعفيد رصفاان خخخخخخ .. الله يعين في الكليه :075:

    و اي استفسار يا شبااب انا حاضر .. و الموتر روعه و اللي ما جربه لا يفوته

  2. صح مبروكه السيارة… وأنا متأكد ـنها بتعجبك….. و وكالة بن حمودة لو السيرفز ماها تعبانجان جنرال موترز ما عطتها وكالة الشفر من العتيبة…..

  4. خلالالاص قررت .. بعد تفكير و عنااء طوويل :075:

    كابرس اس اس يعني كابرس اس اس :075:

    خربانه خربااانه .. خلصت الاوراق و باجر انا ف الوكاله استلم الموتر .. و اللي عنده رقم مميز لا يبخل خخخخخخ ..

    اشكر الجميع على التواااصل .. و باجر راح اخبركم بأول انطبااع عنها .. :075:

  5. السلام عليكم ورحمة الله وبركاته

    نصيحه لوجه الله
    لا تآخذ الكابرس س س ……..ليش……للأسباب التاليه:
    1) سياره أمريكيه……يعني بالعربي “ف————–اشله”
    2) من إستيشن لكابريس….عز الله إنك بتربح شيش أدنوك
    3) وكالة بن حموده……..تعبانين بالجو
    4) ياخي حد يوّدر التويوتا ويسير حج الأمريكي؟؟؟؟؟؟؟
    5) شركات الج م والشفورليت يدعمون أعداء الإسلام…….لبنان…..فلسطين
    6) إسئل دوريات الشرطه عن أعطالهن……بالهبل
    اللهم إني بلغت اللهم فأشهد

    ودمتم في رعاية الله

Comments are closed.