من المُلاحظ في الآونة الأخيره، تهافت الأعضاء الجدد على زيادة مشاركاتهم و خاصتا في المنتديات التجاريه. إلا أن ما يزعج حقا، أن بعض الأعضاء يقوم بنقل الأحاديث الموضوعة الى المنتدى العام من باب النصح و على أساس إنها صحيحه. هذا غير المعلومات العلميه المغلوطه و إلصاقها عنوة في الدين من باب الإعجاز القرآني.
لذلك، تقرر الآتي:
سيتم قريبا إفتتاح قسم جديد لزيادة المشاركات.
يعني اللي يبا يزيد مشاركاته، ما عليه إلا ان يدخل القسم هذا و يسير يرقد، و دام إسمه في هالقسم، كل دقيقه تمر عليه، تزيده مشاركه.
يعني يرجع عقب رقدته يلقى عمره وصّل 20 ألف مشاركه.
و المشروع القادم إن شاء الله،
سيتم إنشاء قسم لزيادة المواضيع،
كل ما تدخل فيه، يحسب لك 5 دقايق و يحطلك موضوع. و عقبها، على كل دقيقه تحصّل مشاركه يديده في موضوعك، و هالمشاركه تزيد في رصيد مشاركاتك أيضا.
يعني كل دخله للقسم و إنتظار لمدة 5 دقائق، تزيدك موضوع يديد.
يُذكر أن الإدارة تتعهد بعدم حذف أي موضوع أو مشاركه من هالنوع. << شو تبون بعد. 
و الحسّابه تحسب.
يعني أقسام على كييييييييييف كيفكم.
و مثل ما قال شامبيه: “على الكيفك”. 
يمكن هالمشروعين يخفّون علينا من زحمة المواضيع المنقوله و المكرره اللي ما منها فايده.
و دمتم.
لقيتها في المعحم الوجيز
– ملق – فلانا ، تودد بكلام لطيف وتضرع فوق ماينبغي
التملق (التودد والتضرّع فوق ماينبغي)
لاتسألوني هل هي مدح أو ذم ،،، لأني ما أعرف …
بالتوفــــــــــــــــــــــــــــــيق
ويسلموووووووووو
أختي شو يعني ” مليق ” بصراحه اول مره اسمعها؟
صدق انك مليق
وانته اش لك؟
صدق متعني ومتصرف .. ياخي خل الناس على كيفهم وبراحتهم .. التعليق اللي يعيبك اقراه واللي ما يعيبك طنشه .. بكيفهم كتبوا بالتوفيق والا موضوع متميز ” وللناس فيما يعشقون مذاهب ” فلا تلزمهم كلهم يفكرون بنفس تفكيرك …
وبعدين وبغض النظر عن هدفهم سواء زياده مشاركات او مواضيع ( مع اني اشك ان في ناس هذي اهدافهم لان في النهايه مافي تكريم او جوايز للي مشاركاته وايد ) .. دام مشاركاتهم غير سيئه خلهم براحتهم ومافي داعي نضحك عليهم …
لكن اللي ينقل مواضيع دينيه هذي لازم نحط تحتها الف خط .. الا الامور الدينيه لا تنقلها الا بعد ما تتأكد فيها وانا معاك فيها ” جملةً وتفصيلا ”
متعني و متصرف .. صباح الخير << يقلد ملون المعاني والبورصه اللي يقلدون رد روز
بالتوفيق اخوي