ابا اطرح عليكم موضوع وان شاء الله ما تبخلون علينا بالنصيحه
الموضوع ما يخصني يخص وحده اعرفها غاليه علي……………
هالانسانه تزوجت شخص متزوج , كان زواجها كاي زواج تقليدي عادي …. يا خطبها من ابوها وكان ردهم الحرمه الاولى اتعرف ولا لا ؟؟ فقالهم انا اتكفل فيها … طبعا هم رفضو هالزواج لكن هالشخص تم يلح فوافقو اخر شي , طبعا البنت الي وافقت لان اهلها عندهم تحفظ ع الموضوع والي خلاها اتوافق انهم قالو عنه انه شخص ملتزم , المهم البنت ملجت وقام الريال ايي بيتهم اشوي اشوي بدت ترتاحله بس في شغله وحده كانت مضايقتنها بالموضوع انه هالشخص ماسك ايده اشوي ,بس هي طنشت وقالت خلاص يمكن مع الايام يتغيرر, طبعا سالته عن اهله لانه المفروض يحضرون فقال لها بيون بس صبري اشوي والحت انهم يكونون حاضرين العرس طبعا كانت حجته في الموضوع انه امه مريضه ومسويه عمليه فكيف خواته ايييون البيت وامهم تعبانه , اربعتي بعد مشت الموضوع وصار العرس وحضرو خواته بس بدون محد يدري يعني ما قالو احنا خوات المعرس دخلو كانهم اغراب .. المهم صار العرس وخلص على خيررررررر واربيعتي كانت شارطه عليه انها ما اتعرف اسم زوجته الاولى ولا اتعرف شي عنها وانه حياتها مستقله عن الاولى وموووووووووول ما يخصها فيها وها كان من ايام الملجه , المهم عرست وفي ليله الدخله زقرها باسم غير اسمها ولما انتبه قالها ها اسم اختى وحلف لها انه مب اسم حد ثاني ومر اهاليوم على خير .. وبعد 3 اشهور يايها مهموم حالته حاله قالتله شوه بلاك يا فلان؟؟ والله الحرمه الاولى طالبه الطلاق وصار الريال مهموم , طبعا عرفت انه الحرمه توها عرفت بالموضوع .هي اضايقت من هالموضوع واضايقت انه ما صار يرمس عن شي غير عن هالموضوع , كانت تتمنى يحلها ابعيد عنها ولا يبين لها انه ماقادر يستغني عن الاول , واهنيه بدت المشاكل وعقبها سافرت معاه في دوره للخارج وقبل السفر اشترطت عليه انه من يكلم حد لانه خلال الفتره الي طافت كان لما يكون عندها بس قابض هالتلفون ويرمس فيه , كرهته وكره حياتها معاه . الاولى طلبت الطلاق وهى حياتها صارت جحيم لانه ريلها ما يفكر الا بكيف يحل الموضوع فاشترطت عليه انه خلال السفر ما يكون فيه تلفونات ولا غيره ووافق.
بس من وصلوووووووو في المطار كان اول حجه له انا بسير الحمام وهو في المطار , طبعا فهمت اربيعتي انه ساير علشان يكلم فلانه ويبشرها انه وصل , ومن وصلو وهو كل يوم الصبح ينخش فالصاله ويرمس مع الحرمه ولما تساله يقولها اكلم ولد عمي بموضوع خاص ما اقدر اقولج لين قدرت تمسك التلفون واشوف المسجات , طبعا الحرمه الاولى الظاهر انه رضت عليه ورجعت اتكلمه , وطبعا الوعد الي وعدها اياه انه ما يكون في تلفونات ويعتبرون سفرتهم شهر عسل خلاص بححححححححح.
وها غير انها شافت ببوكه صوره الحرمه الولى لا وبعد صوره عرسهم .
اربيعتي نفسيتها بالحضيض وصار كل يوم مشاكل لدرجه انها صارت تطلب الطلاق
الله يخليكم بشوه تنصحونها
هي محتاجه حد يدلها على الطريقه الصح لان المواضيع عندها اتخربط كلها على بعض ومتندمه انها خذته لانه شافت طريقته الملتويه في حل المواضيع والكذب الي يجذبه وها غير بخله
اتمنى تتجاوبون معانا فالموضوع
9 thoughts on “بشوه تنصحونها؟”
Comments are closed.
اشكر كل الي ردو عالموضوع وجزاكم الله خيررررر وانا قلتلها انتي بهالطريقه بدمرين بيتج بايدج
بس انا كنت معاها بموضوع واحد انه ما كان لازم ياخذ الصوره معاها ويحاسب على مشاعرها ومب لانها ثانيه يعني لازم تتحمل كل شي
ومعاها بانه مدام وعدها يكون قد وعده لانها قبل السفررررررررر قالتله هالشي واشترطت عليه فما في داعي يخلف وعده بعدين وهي ما منعته عن اعياله
ومره ثانيه جزاكم الله خيرررررررررررررر
اختي شرات مال قالوا الاخوان و الاخت فلاحيه..
و في نقطه لازم تنتبه لها رفيجتج و هي اذا ريلها راح الصاله او اي مكان بعيد عنها عشان يكلم حرمته هذا دليل على انه يحترم مشاعر زوجته الثانيه و ما يحب يجرحها او يضايقها لو واحد ثاني جان عادي رمس زوجته الاوليه جدام الثانيه و لا اهتم ..
فلو تحاول انها تحتفظ بالاحترام الي بقلب زوجها لها يكون افضل و الريال مثل الطفل ان بغت تحببه فيها عاد هي و شطارتها و كل ما بينت له ضيقها ابتعد عنها اكثر..
.. و بالنهايه لو طلبت الطلاق ترى محد خسران غيرها و الريال بيرجع لزوجته و عياله و هي بتم فحالها ويمكن اييها نصيبها او يمكن لا و انتي عارفه نظرة مجتمعنا للمطلقه (للأسف)..
باختصار اما تصلح الوضع بعقلانيه و اذا بعدها تفكر فالطلاق يفضل انها تستخير و ربي يوفقها …
و السموحه …
اختي العزيزه
شوفي يليت تقعدين معاها وتفهمينها ها الكم كلمه اللي بقولج اياهم
الريال يوم طلب ايدها تعرف ان هو متزوج ومحد ضربها على ايدها وغصبها على الزواج …
وهي ام عياله … فهي الاولى
ومسالت ان والله لا تتكلم في التلفون وووو دلع حريم هذا لا يجوز شرعا على كيفها بتحرم الريال من مرته وعياله يعني وين يروح الحمام ويشغل رشاش الماي ويتصل في ام عياله .. والله حاله
وموضوع انها بدت تطلب الطلاق وغيره تبين نصيحتي والله انا اقولج اياها ويليت ما تزعلين لا تزعلين ابدا
رفيجتج هذي خلاص بدات نقطت الانطلاق في دمار بيتها …
يعني يا تسطلب وتغدي حرمه وبلا ها الكلام اللي ماله داعي .. الريال يبا يرجع البيت يرتاح ولو كلم اهله وعياله مب غلط
او اذا ما عندها عيال او مب حامل خلاص خليها تطلب الطلاق واذا ما رضى تروح بيت اهلها وتنهي الموضوع مب عشان خاطرها لا عشان خاطر الريال لان الريال بيتعذب من وراها يمكن تخبل فيه
لا تستغربين من كلامي بس هذا الواقع الحرمه الثانيه دايم تكون سبب في بلاوي مالها اول ومالها تالي
وانتي بلسانج اعترفتي وقلتي ان هي تمنعه من امور كثيره تخص بيته الثاني هذا اللي قلتيه بلسانج والله اعلم في الخافي واللي ما قلتيه او اللي ما تعرفينه بس من كلامج انا قدرت احلل شخصيتها …
هي من النوع اللي تبا تحتفظ بزوجها لنفسها وتبغي تحس ان هي الزوجه الاولى والاخيره ويوم المنى يوم بيطلق زوجته الاولى ويمكن تحفر ورا هذا الطلاق ..
الله يعينها والله ويهديها
انصحج تقوليلها او تطبعيلها كلامي هذا وتقرينها اياه
وسامحيني لو كنت شاد في الموضوع بس ترى الموضوع مب لعبه هذي حياة اطفال والاطفال بيكبرون .. لو ما عندها عيال خليها ترجع بيت اهلها ويرجع لزوجته الاولى احسن
لا حول ولا قوه الابالله
بس يااختي لازم تفهميمها انه اللي تتزوج واحد متزوج لازم تتعلم شي اسمه صبر
وحاولي تفهميمها انها لازم تحببه فيها وماتقصر بحقه ابدا ولا تزعل منه خليها تبينله انها مبسوطه وانها تحبه وانه مب مقصر معاه بشي وهو بيحبها نفس مايحب حرمته الاولى او ع الاقل بيعدل بينهم ومابيتكلم على حرمته الاولى جدامها
بس اهم شي الصبر الصبر الصبر لانها هيا تزوجت وهي عارفه انه متزوج يعني اكيييد بتصير نفس هالسوالف انه بيرمس زوجته ويطرشو لبعض مسجات ها شي طبيعي تراها بعد حرمته وحلاله
هذا رأي واالسموحه
سبحان الله !!
و ليش تطلب الطلاق !!
ريال يكلم حرمته الأولى ( حلاله ) مب ربيعته !!
وبعدين هي تزوجته وتدري أنها الثانيه في حياة زوجها ..
و أستغرب من كلامها أنها ما تباه يرمس عنها أو عن مشاكله وياها جدامها موووليه ..!!
إذا ما رمس وياها وفضفض عن اللي قلبه بيرمس ويا منوووووو..!!
ما سألت نفسها ليش يرمس عن الأولى وايد ويشتاقلها كثير !!
أكيد أن الأولى تعاملها وياه غير ..و أسلوبها غير فملكته و سحرته وخلته مثل الخاتم في صبعها << السحر الحلال ..
حل مشكلة ربيعتج هو .. ( السحر الحلال ) ..