اخواني بصراحة انا من دبي ورحت مرة وحده للعين بصراحة العين وااااايد حلوة حلوة حلوة
ولكن اللي مايخليها مش حلوة هم بعض من الشباب العين الله يهديم يعني ولا كانه عندهم اهل ماعندهم اخوات ماعندهم حريم
لامستحى ولاهم يحزنون يعني كانه في حياتهم ماشافوا حريم ماشافوا بنات كانهم عايشين في صحراء واول مايشوفون بنت تقول اول مرة يشوفون بنت وكانه البنت شي غريب في الدنيا
اذا شافوا وحدة في الشارع 20 سيارة بتوقف لها علشان يرقمونها
ياخي فكروا لايجيكم يوم حد منهم يشوف اخته حد يرقمها شو بيكون موقفه هذيك الساعه بيتوب ويحرم انه يراكض ورا بنات الناس
القصة ومافيها اني كنت رايح ويا الاهل لمبزرة وكانت في دورياااات الله يعطيهم العافية قالولي عندك عايلة قلت لهم هي قالوا لي ادخل عيل دام عندك اهل اذا ماعندك اهل ممنوع تدخل المهم دخلت
ويلسنا في المقهى اول مادخلنا الي شرب عصير ولا شاي ولا ماي ولي ياكل المهم يو بعض من الشاب المريض نفسيا ويلسوا قريب منا وماعرف طبعا كيف دخلوا والشرطة اصلا واقفة وماتدخل الا اللي وياه عايلة يمكن هذيل حد من ربعهم وييعرفونهم ودخلوهم المشكلة مش في انهم ادخلوا المشكلة والله العظيم مافيهم ذرة احترام ولاتقدير وهذا يدل على التربية
تموا يضاحكون ويقولون لبعضهم البعض حتى نحن عايلة علشان جذي دخلنا وتموا يرددون الكلمة مليون مرة مع انه محد سالهم
الغلط مش عليهم الغلط على الشرطة اللي اصلا دخلوهم
بس شو بتقول غير كم تدين تدان
وسلامتكم
بانتظار التعليقات
في هذه انا شفت بعيني محد قالي
يصفون طابور كل واحد ياخذ دوره لين آخر واحد
انا معاج انه بعض وانا اقول بعض شباب العين يزودونها شوي ( على فكرة انا من العين ) بس الكوفي شوب اللي يلستو فيه تنباع فيه شيشة وانا اذكر ايام ما نيلس كان يين بنات لا حشمة ولا شي وكانها توها طالعة من الصالون واذا حد غازلها تستانس مع انه يمكن يايه عشان حد يغازلها فكان مكان حق المغازلة ولا تتوقع بنت انها ما تتغازل في هالمكان خاصة اذا يايه لوحدها ويمكن انتي غريبة عن البقعة ماتعرفين بس كان الاحرى يكون معاج محرم ولا مافي داعي لليية للعين
الله يستر عليك اخوي
ما اتمنالك الا الستر اهلك وان شاء الله ربي بيحفظهم من ضعاف النفوس .
العين منطقة بدويه تحكمها عقليااات وتقالييد “العيب” يعني عييب البنت ادش كوفي وتيلس وتاخذ كرميل مكياتوو ومستحيييل حد يخطف عليها وراسه في الارض !! لابد من انه يعق عليها رمسه سواء بغرض المغازل او قلة الادب !
لكن بعكس دبي الي كل شي عاادي والانفتاح زايد عن حده شوي … يعني لو بنت اتحدر وتيلس في كوفي ما اعتقد حد يرمسها لانها في النهايه هي في دبي ومنضر البنات انهن قاعدات في كوفي شي طبيعي وعادي جدااا .. فالبنات ييلسن وياخذن راحتهن اكثر من دون تعكير صفو المزاج…
انا مش ضد ان البنت تيلس في كوفي وتروح مطااعم ..بالعكس فالنهايه هاي حرية شخصيه .. لكن الواحد يختار مكاان الصح للجلوس عشان ياخذ راحته اكثررر…
فل تقل خيرا او تصمت .. >>لاخواني المشاركين في الموضوع
::
اخوي في كل مكان الشين والزين
..