اخواني بصراحة انا من دبي ورحت مرة وحده للعين بصراحة العين وااااايد حلوة حلوة حلوة
ولكن اللي مايخليها مش حلوة هم بعض من الشباب العين الله يهديم يعني ولا كانه عندهم اهل ماعندهم اخوات ماعندهم حريم
لامستحى ولاهم يحزنون يعني كانه في حياتهم ماشافوا حريم ماشافوا بنات كانهم عايشين في صحراء واول مايشوفون بنت تقول اول مرة يشوفون بنت وكانه البنت شي غريب في الدنيا
اذا شافوا وحدة في الشارع 20 سيارة بتوقف لها علشان يرقمونها
ياخي فكروا لايجيكم يوم حد منهم يشوف اخته حد يرقمها شو بيكون موقفه هذيك الساعه بيتوب ويحرم انه يراكض ورا بنات الناس
القصة ومافيها اني كنت رايح ويا الاهل لمبزرة وكانت في دورياااات الله يعطيهم العافية قالولي عندك عايلة قلت لهم هي قالوا لي ادخل عيل دام عندك اهل اذا ماعندك اهل ممنوع تدخل المهم دخلت
ويلسنا في المقهى اول مادخلنا الي شرب عصير ولا شاي ولا ماي ولي ياكل المهم يو بعض من الشاب المريض نفسيا ويلسوا قريب منا وماعرف طبعا كيف دخلوا والشرطة اصلا واقفة وماتدخل الا اللي وياه عايلة يمكن هذيل حد من ربعهم وييعرفونهم ودخلوهم المشكلة مش في انهم ادخلوا المشكلة والله العظيم مافيهم ذرة احترام ولاتقدير وهذا يدل على التربية
تموا يضاحكون ويقولون لبعضهم البعض حتى نحن عايلة علشان جذي دخلنا وتموا يرددون الكلمة مليون مرة مع انه محد سالهم
الغلط مش عليهم الغلط على الشرطة اللي اصلا دخلوهم
بس شو بتقول غير كم تدين تدان
وسلامتكم
بانتظار التعليقات
في مثل يقول ( كل بيت فيه حمام ) ونتوا بكرامة
ظاهرة المعاكسة موجوده تقريبا في كل الامارات وكل امارة فيها رجال تنحط على راس وفيها ضعاف نفوس
عفوا خويه
كل مكان فيه الزين و الشين ..
شباب كلنا عيال زايد
الريال مب قصده شباب العين ولا شباب دبي
ترا كلهم في الهوا سوا
والله يستر ع الجميع ان شاء الله
وربي يحفظكم
اخوكم الحمادي
عيل في دبي شفت سيارتين حادات سياره فيها بنات ويدقون الدرايش عليهن .. وهن مش عارفات يظهرن من الباركنات
لين مانزلت وحده الدريشه وشرشحتهم !!
في كل مكان يااخوي الزين والشين …………لاتعمم
انا اتردد على العين دايما وما شفت شي غلط من
أي شخص هناك بالعكس
كلهم بدون استثناء محترمين ومحافظين ومتعاونين
ولكل قاعده استثناء وهذا الاستثناء في كل مكان
وبلد ومدينه وقبيله ..
مثل ما نقول اصابع الإيد ما تشابه