اخواني بصراحة انا من دبي ورحت مرة وحده للعين بصراحة العين وااااايد حلوة حلوة حلوة
ولكن اللي مايخليها مش حلوة هم بعض من الشباب العين الله يهديم يعني ولا كانه عندهم اهل ماعندهم اخوات ماعندهم حريم
لامستحى ولاهم يحزنون يعني كانه في حياتهم ماشافوا حريم ماشافوا بنات كانهم عايشين في صحراء واول مايشوفون بنت تقول اول مرة يشوفون بنت وكانه البنت شي غريب في الدنيا
اذا شافوا وحدة في الشارع 20 سيارة بتوقف لها علشان يرقمونها
ياخي فكروا لايجيكم يوم حد منهم يشوف اخته حد يرقمها شو بيكون موقفه هذيك الساعه بيتوب ويحرم انه يراكض ورا بنات الناس
القصة ومافيها اني كنت رايح ويا الاهل لمبزرة وكانت في دورياااات الله يعطيهم العافية قالولي عندك عايلة قلت لهم هي قالوا لي ادخل عيل دام عندك اهل اذا ماعندك اهل ممنوع تدخل المهم دخلت
ويلسنا في المقهى اول مادخلنا الي شرب عصير ولا شاي ولا ماي ولي ياكل المهم يو بعض من الشاب المريض نفسيا ويلسوا قريب منا وماعرف طبعا كيف دخلوا والشرطة اصلا واقفة وماتدخل الا اللي وياه عايلة يمكن هذيل حد من ربعهم وييعرفونهم ودخلوهم المشكلة مش في انهم ادخلوا المشكلة والله العظيم مافيهم ذرة احترام ولاتقدير وهذا يدل على التربية
تموا يضاحكون ويقولون لبعضهم البعض حتى نحن عايلة علشان جذي دخلنا وتموا يرددون الكلمة مليون مرة مع انه محد سالهم
الغلط مش عليهم الغلط على الشرطة اللي اصلا دخلوهم
بس شو بتقول غير كم تدين تدان
وسلامتكم
بانتظار التعليقات
أولا..السلاام عليكم والرحمة..
ثانيا…عيدكم مبارك..
ثالثا…بدخل بالموضوع بدون مقدمات..
أستغرب من الناس اللي تحدر مكان من أول مرة..وتحكم عليه من موقف بسيط..بل تتهمه..وتتجرأ عليه…!!!
يعني من موقف يهال..خليتونا نحكم على مدينة كاملة..وهي مربط رأس معظم شيوخنا…!!!!
أهل الأصالة والطيب والكرم..استوو ما شايفين خير…!!
أستغفر الله….
عيل أنتو تحدرون بإجازاتكم دول خليجية..والمراقص والملاهي الليلية عافاني الله حدث ولا حرج…
ومسموحة بدون لا رقيب ولا حسيب…
ليش ما أنتقدنا…وأتخبرنا أنها بلاد الفحش والفحائش…!!
وإلا على قلبنا هالشي…..!!!
وتحدرون بلاد شرق آسيا…ومراكز القذارة والفحش بالشوارع..ومفتوحة الباب…
ويا كثر من يقف بالصور والألبومات..ويقصدكم يا مواطنين للإنضمام لهذه القذارات….
ليش ما أنتقدنا…بالعكس كل سنة تحدرون هاذي البلدان وتخسرون الآلاف عليها وأنتو ساكتين…..
لكن ما أقول..
إلا الله المستعان على ما تصفون….
الرجاء عدم التعميم…لأن هذه المواضيع يقرأها ملايين الناس…
ويا كثر من يحب التصيد لنا نحن الإماراتيين….
أختكم،،،
هههههههههههه
حتى أنا مره رحت العين مول …
وحده لبنانية توها بتدخل من الباب … وليش مايطوف نيسان وراكبين فيه سبعين واحد ونزلوا الجامات كلها ويقولها الرقم بصوت عالي هههه
والقهر يقولها يالشيخه هههههه
هذا شو يدل
بعدين المبزره مغازل عيني عينك بكل وقاحة ..
ما أدري متى الشعب بيطور
الناس ترتقي وناس ترجع ريوس بتخلفها
اخوي ديرة مشكور على المشاركة الطيبة
الحين انتوا كلامكم كله الصراحة ماعرف كيف
اقولكم اليوم اللي كنا رايحين فيه للعائلاااااات
افهموا اقروا صح للعائلات والشرطة واقفين على المدخل مايدخلون الا العائلات فكيف دخلوا هذيل الشباب واليوم هذا مخصص للعوائل
اقروا صح الله يبارك فيكم قبل ماتشاركون في الموضوع
بس المشكلة كان المكان للعائلة ولا مختلط . هني المشكلة ؟يعني لو مكان عائلي كيف دخلو الشباب ؟ والله المحتشمة ولا غير المحتشمة يغلطون عليها , عيايزنا ما سلموا .
الله يحفظ المسلمين و بناتهم