اخواني بصراحة انا من دبي ورحت مرة وحده للعين بصراحة العين وااااايد حلوة حلوة حلوة
ولكن اللي مايخليها مش حلوة هم بعض من الشباب العين الله يهديم يعني ولا كانه عندهم اهل ماعندهم اخوات ماعندهم حريم
لامستحى ولاهم يحزنون يعني كانه في حياتهم ماشافوا حريم ماشافوا بنات كانهم عايشين في صحراء واول مايشوفون بنت تقول اول مرة يشوفون بنت وكانه البنت شي غريب في الدنيا
اذا شافوا وحدة في الشارع 20 سيارة بتوقف لها علشان يرقمونها
ياخي فكروا لايجيكم يوم حد منهم يشوف اخته حد يرقمها شو بيكون موقفه هذيك الساعه بيتوب ويحرم انه يراكض ورا بنات الناس
القصة ومافيها اني كنت رايح ويا الاهل لمبزرة وكانت في دورياااات الله يعطيهم العافية قالولي عندك عايلة قلت لهم هي قالوا لي ادخل عيل دام عندك اهل اذا ماعندك اهل ممنوع تدخل المهم دخلت
ويلسنا في المقهى اول مادخلنا الي شرب عصير ولا شاي ولا ماي ولي ياكل المهم يو بعض من الشاب المريض نفسيا ويلسوا قريب منا وماعرف طبعا كيف دخلوا والشرطة اصلا واقفة وماتدخل الا اللي وياه عايلة يمكن هذيل حد من ربعهم وييعرفونهم ودخلوهم المشكلة مش في انهم ادخلوا المشكلة والله العظيم مافيهم ذرة احترام ولاتقدير وهذا يدل على التربية
تموا يضاحكون ويقولون لبعضهم البعض حتى نحن عايلة علشان جذي دخلنا وتموا يرددون الكلمة مليون مرة مع انه محد سالهم
الغلط مش عليهم الغلط على الشرطة اللي اصلا دخلوهم
بس شو بتقول غير كم تدين تدان
وسلامتكم
بانتظار التعليقات
ما يسوى عليه الريال
وبعدين قال لكم بصريح العباره بعض الشباب وليس الكل
واي واحد يسير اي مكان اي بلاد وشاف شي غلط راح يقول ترى في البلاد الفلانيه انا شفت كذا وكذا
وبعدين شو يعني شباب العين ملائكه !!!!ترى فيهم الصالح والطالح…
واحد الاخوان عرج على الموضوع وقال هذي بلاد شيوخ ….شي عجيب والله كيف الربط بين هذا وهذا
وانا ترى درست في العين 5 سنوات وحبيت جوها الهادي ولي اصدقاء وربع نشامى وطيبين وحلوين يعني ارجو ماحد من الاخوان يهجم على ويقول انت وانت ترى مجرد راي فقط
المهم الله يهدينا الى ما فيه الخير ويهدي شبابنا وشاباتنا الى خدمة بلادنا
صدق كاتب الموضوع ريال وجلبوة حرمة اللي يبغون يعقون الغلط على الحريم ،،،
الحين الله يهديكم ليش مشتططين … الريال يتكلم عن موقف صار له في العين ….
يعني لو ساير مكان ثاني وصار له نفس الموقف بيقول في المكان الفلاني ….
وقلة الادب موجودة في كل مكان …
لكن مثلا فيه قوانين صارمه في دبي والشباب يدرون انهم بيتشرشحون … فما يسوون نفس هالسوالف
مع انها ما تخلى من كل الافات ،،،،
فبليز لحد يزعل … والريال المحترم بيعرف ان الكلام مب موجه له …
لكن في فئه مريضه ومب صاحيه نتمنى ان الله يشفيها ويهديها ….
وفي بنات من النوعية اللي تتكلمون عنها …. بس هذا بعد مب تعميم على كل البنات …
ونحن نحب العين …وعدنا ربع واهل فيها… لكن طبعا ما نفكر نسير لها …
لان الصراحه بعض الشباب ما يحشمون احد لا منقبة ولا متغشية وحتى لو غشوة عيايز ….
لان في مواقف صايرة لحريم نعرفهم مدينات ومحتشمات وما سلموا ….
ولكن بعد في ناس ينحطون على الجرح يبرى ،،،،
واي كلام ما بياثر على اي اماره ولا على اهلها …. لان الكلام عن فئه معينه
والكلام اخذ وعطى …
والسموووووووووحه
تحياتي
اختكم
سهمي عالي
الي مب عايبتنه العين رجاءا لا اييها ابروحنا مرتاحين بعيد عن الحشره و التطور الزائف
الله يديم علينا تخلفنا و مبروك عليكم التطور
كلامج 100% صح ماعندي اي تعليق بعدة
الله يهديهم