السلام عليكم ورحمة الله وبركاته
أول شي أقدم الشكر الجزيل للأخوين (رحال و UA3) إلي ردوا علي في موضوعي السابق
ونصحوني ببطاقة حكومة دبي الإلكترونية المهم أنا حاولت أدور على أكثر معلومات عنها وعرفت أنها مثل الفيزا تقريبا بس لها خصائص أحسن المهم أنا حبيت أعرف تجارب بعض الأخوان إلي يستخدمون البطاقة يعني ما تواجهم مشاكل في أستخدامها ؟ هل التعامل بها مثل التعامل بالفيزا ؟ هل تصلح لحجوزات الفنادق خارج الدولة والإستخدام خارج الدولة ؟ التعامل فيها عن طريق النت من حيث الحجز أو الشراء ميسر ؟
ياليت إلي عنده أي فكره عنها ما يقصر 
وشكرا مقدما
إقري الكلام اللي كاتبنه مشرفنا Mr|Yasser بارك الله فيج.
عندي سؤااااااال ..
يوم استلمت البطاقه كانت بدون رقم سري كم اعرف كم في البطاقه ..؟؟
مشرفنا ياسر والأخوة ما قصروا وعطوك المفيد..
وأأكد على نقطة بطاقة Surfer، هذه مجرد رقم بطاقة ماستركارد مكتوبة على ورقة عادية، يعني مب بطاقة أصلاً !!
لكن بخصوص حجوزات الفنادق ما أضن إنك تقدر تستخدمها لأنهم غالباً يطلبون بطاقة عليها إسمك وتكون موصولة بحساب بنكي..
بطاقة حكومة دبي ما يكون مكتوب عليها الاسم وطبعاً ليست موصولة بأي حساب بنكي..
تحياتي لك