اشحالكم الربع

قبل 8 شهور اتصلبي واحد و قالي انا من الشركه
و عندنا بطاقه خصومات تصل لي 75% للفنادق
و المطاعم ف الامارات و دول الخليج
و بعض المناطق الاخرى

و قعد يعدد لي الفنادق اللي متعاقدين وياهم
و يقولي الفندق الفلاني قمه الحجز فيه 1500 درهم
و انا بخليه 350 درهم بس

و الفندق الثاني جي و المطعم الفلاني خصم 20%
و سعر البطاقه 800 درهم بس
المهم ما خلا شي ما قاله
و بصراحه اقنعني

و انا العاثر قلت له خلاص انا ابا البطاقه
و العصر بستلمها قالي زين

العصر رحت اهناك و يداورن علي
3 بنات كل وحده تبتسم من صوب
(شوف المكر بس عشان اخذ البطاقه)
و يقربون لي الشاي و القهوه

قلت لهم عطوني مواصفات البطاقه
و يقدر اخوي و لا ربيعي يستخدمها

و عندنا اكثر عن بطاقه
عندنا
1: العاديه
2: الفضيه
3: الذهبيه

المهم اخر شي قلت بشتري الفضيه
بـ 1700 درهم
ع اساس 8 وجبات فطور مجانا
و 4 ليالي مجانا

المهم يوم يابوا الاوراق اوقعهن قريت مكتوب
يمنع استخدام البطاقه لغير صاحبها !

كيف و قبل شوي اي حد يستخدمها
قالوا لا عادي ها ف الورقه بس

المهم شريت البطاقه

و بدات *المعاناه*

ياليتني ما شريتها
اذا سعر الفندق ف النت 500 هم ياخذون 550
كيف وييين الخصومات
وييييين الكلام الجديم
اتصلت فيهم قالوا شوف سعر الفندق الاساسي
و احنا عندنا خصم ع الاساسي

لا حول يعني هيه شغلت نصب
اونه 50% من السعر الاساسي

المهم فيه مره قلت بنروح احنا و الاهل دبي و بنقعد يومين
ع اساس انا عندي 4 ليالي مجانيه

قالوا لا لازم تحجز قبلها ب 3 ايام
ها لليالي المجانيه
(يبون يكسلون فيك)

المهم حجزت قبلها ب 3 ايام
و يوم رحت الغرفه الوحده قيمتها ق النت 300 درهم
و صغيره و لا تسوى

و هاي قصتي مع بطاقة الخصومات

و انا انصح كل اللي يبون يشترونها
يخلون فلويهم ف مخباهم احين لهم
و اللي يبا يحجز
يدخل النت و يحجز اقل عن اسعارهم

17 thoughts on “بطاقة خصومات الفنادق و المطاعم (اكبر نصابين)”

  1. انا اول ما يتصلون في اقولهم انا مشغول و اتصلو في بعدين و يردون يتصلون تعرفون شو اسوي اتكلم انكليزي هندي طبعا بس استهبال
    مثل
    وااط ادونت نو ارربيك بابا وسالفة طويلة

  2. مرحبا اخوي سعيد
    احنا بخير يعلك دوووووووووووم في خير

    انا صايبيني من زمااااااااااان .. والمؤمن ما يلدغ من جحر مرتين

    عليكم بحجوزات النت المباشره مع الفنادق او شركات معروفه ومعتمده

    شكرا سسععييد

    يا خوي انا كاتب الموضوع عشان الشباب اللي يتصلون فيهم
    يمكن حد منهم يسوي لي له ف google و يشوف الموضوع
    و يبطل عنهم انا اول ما اتصلوا فيني سويت بحث و ماحصلت
    غير واحد منهم عارض البطاقه للبيع و محطي المميزات

  3. اسم الشركة مينا الفانوس
    انا مشترك معاهم في العضوية
    بس طلعت قيمة العضوية من عيونهم
    كانت البطاقة قبل 1000 درهم وفيها ليلييتن مجانيه
    بس تراهم حراميه
    يعني انا عضو معاهم وكل فترة يتصلون ما يدرون اني انا عضو

  4. مرحبا اخوي سعيد
    احنا بخير يعلك دوووووووووووم في خير

    انا صايبيني من زمااااااااااان .. والمؤمن ما يلدغ من جحر مرتين

    عليكم بحجوزات النت المباشره مع الفنادق او شركات معروفه ومعتمده

    شكرا سسععييد

  5. كلامك صحيح واحسن حل في بطايق عضويه من الفنادق العالميه يعني مضمونه لانه تخص الفندق وهذي انا استخدمها ومرتاح

Comments are closed.