السلام عليكم

عندي سؤال بخصوص الشراء على النت
شو في طريقة للشراء على النت غير البطاقات البنكية
انا سمعت عن Cash U …..لكنها ما تغطي كل المواقع
ارجو الافاده

20 thoughts on “بطاقة شراء على النت”

  1. مشكورين على معلوماتكم

    أنا كنت با آخذ البطاقة من بنك أبوظبي الوطني ، اللي هي تتعبى على حسب ما أحط فيها
    لكن الحد الأقصى لها 5000 درهم
    أنا أحتاج بطاقة أحط فيها 10000 أقل شي وأقدر أسحب منها من أي مكان في العالم وأدفع فيها للفنادق والمشتريات يوم أسافر، ممكن حد يدلني على وحدة
    بشرط ما تكون ربوية، يعني حط الرصيد أو خلها فاضية ما يفرق

  3. طبعا تقدر تطلع من البنك بطاقة للشراء على الانترنت بس
    ومعظم المواقع تقبل ال PayPal

    وعندك Alternative payment processing, pay online without a credit card. PayByCash™
    موقع شبيه بالكاش يو بس عنده مواقع اكثر

    وطبعا الحل الاخير

    دور لك واحد ييشتريلك الي تباه وتدفع له كاش

    هني بتعاني من الإذلال، وبطئ الخدمة وطريقة غير عملية

    الأحسن يطلع له بطاقة خاصة فيه

  4. اخوي البطاقه ما ياخذون عليها انترست ابد ؟
    و ما ياخذون عليها جارج اول ما تظهرها ؟

    بدون فوائد ، فقط أول ما تظهرها قيمتها 10 دراهم، و عند إيداع مبلغ في البطاقة ياخذون 5 دراهم رسوم خدمه و عند السحب من البطاقة ياخذون 10 رسوم خدمة

    لا يوجد اي قيمة اضافية تفرض عليك ولا شيء، استعمالها مريح جداً وتقدر تشيك على رصيدك عن طريق النت و تشوف جميع البيانات اللازمة، بالإضافة انك تقدر تعيد شحن البطاقة من أي مكينة ATM خاصة بالبنك، و على مدار الساعة….

    تقدر تعبيها أقل شي 10 دراهم و أكثر شي 5000 درهم …..

    فقط يلزمك تروح للفرع الرئيسي في مدينتك و تعطيهم الليسن وعشر دقايق و البطاقة فمخباك

    وتقدر تستخدمها بنفس الوقت مباشرة …. ولعلمك بعد تقدر تستخدمها في كارفور و في اي مكان يدعم بطاقات الفيزا، حتى أدنوك ….

  5. افضل حل اخوي هو انك تسير بنك ابوظبي الوطني

    وتسأل عن بطاقة دبي الحكومية وب 10 دقايق يطلعونها لك وما تحتاج انه يكون لك حساب عندهم

    بس اطلعها وطبعا تروح النت وتسجلها في PayPal

    وعقب ما تسجلها بيخصمون عنك تقريبا خمس دراهم وتسير البنك مرة ثانية وتقلهم انا سجلتها في البي باال وابا رقم الخصم المكون من اربع او 3 ارقام …. مثل ما تقول رقم تأكيد لانك من تسجلها بالموقع عملية التسجيل ما بتكتمل الا من تييب هذه الارقام واللي هيه اتييك من البنك

    المهم ترد بهذه الارقام وتكمل عملية تسجيلك للبطاقة اون لاين وفي هذه الحالة صارت معاك بطاقة فيزا مدفوعة مقدما واشتري من اي موقع عنده خدمة الفيزا او البيي بال …

    اسف ع الشرح السريع بس اذا كان عندك اي استفسار ما يردك الا الكيبورد ماالك

    اخوي البطاقه ما ياخذون عليها انترست ابد ؟
    و ما ياخذون عليها جارج اول ما تظهرها ؟

Comments are closed.