السلام عليكم ورحمة الله
اخواني الله يجيرنا في مصيبتنا ويخلفنا خير منها وانا لله وانا اليه راجعون
ما حد يزعل عالفلوس ان كانت فلوس حلال اكيد بترجع لأنه حنا اللي نجيب الفلوس واللي جابها مرة يجيبها كمان مرة
عالعموم اليوم ولله الحمد وصلت خسارتي 54% من رأس مالي الأساسي وجلست وفكرت….أيش المضاربه فادتني؟؟؟؟
كل يوم تقصير في العمل لأجل عيون الأسهم ومتابعتها
كل يوم سمة بدن من ورا الخسارة شبه اليوميه من المضاربه
كل يوم سهر لمتابعة السوق الهندي والأمريكي والاوروبي لمعرفة مصير سوقنا في اليوم التالي
كل يوم ندور على قاع جديد للسوق ونقعد طول اليوم نحلل حتى نلاقيه
كل يوم نحاول نقول بنعوض بس اللي يصير ان الخسارة بأزدياد
كل يوم نصيح ونشتم ونلعن (للأسف حتى في رمضان) بسبب المضاربه
طيب وبعدين شو النتيجه اللي حصلت عليها من ورا المضاربه؟؟؟
ولا شي غير تعب البال وقلة الراحه بالأضافه للخسارة
طيب المستثمر اللي شرى من 6 شهور ومو موجع راسه بالسوق ولا يهمه ايش اللي يحصل لأنو مستثمر شو فرق عني من ناحية نسبة الخساره؟؟؟….ما فرق شي غير انو راسه مرتاح
طيب شو الحل؟؟؟؟
اتصلت بأحد كبار المحللين بالمنتدى (وللعلم هو محلل فني) وسألتو اذا نويت استثمر لسنتين او ثلاثه او حتى عشره لأني مو محتاج الفلوس في الوقت الحالي هل تنصح بالشراء اليوم خصوصا انو كل فلوسي كاش؟؟؟….جاوبني نعم توكل على الله
وبالفعل توكلت على الله واشتريت اليوم بكل ما أملك كميات بسيطه من معظم الأسهم وأغلقت الشاشه وانتبهت لشغلي وريحت اعصابي ولو نزلت الأسهم تحت اسعار اليوم كمان 50% او حتى ميه بالميه مو بايع ولا بعور راسي بهالسوق
وداعا للمضاربه ووجعة الراس وخلو المضاربه لأهلها ولأسواقها اللي تحترمها
شرايكم؟؟؟؟
مجنون؟؟؟؟
ولا كنت مجنون وعقلت؟؟
حبيبي أنسى الاسهم والأصحاب وأنصحك تضارب مع حد من المشرفين أحسن علشان ي………. هههههه سوالف
اللهى يعوض عليك وأنت مش الوحيد أخوك خسارته 33%
ههههههه يوم الواحد ينحشر ما تعرف شو يساوي
عالعموم الف مبروك والراتب ممتاز بس نصيحه افصل الأنترنت عن كمبيوترك
ههههههههه
جمبري وانت وكل الأعضاء حبايبي والله وما اقدر استغني عنكم
يعني البعد عن المضاربه سهل
بس البعد عن هالمنتدى واهله وناسه صعب جدا
وانا بعد بسوي مثلك غصبآ عني وبنام سنه لانه حتى ارجع راس مالي يجب ان يرتفع اعمار 100%
تعرف معروضه علي وضيفه براتب 25 الف من شهر ومتردد اروح بعد نزول السوق اصبحت عندهم من الساعه 7 صباحآ عشان الوضيفه ههههههههه
جمبري كلامك صح وفعلا العيب مني وليس من المضاربه
دان زنجر يقول لا تضارب في ترند هابط
وانا عملت فيها ابو العريف وشاطر وفهمان وحكسب وهي النتيجه
نصيحه مني للأخوان اللي مثلي لا توقعو بنفس غلطتي
بس للعلم مو زعلان طز ومية طز بالفلوس ولا لا سمح الله الواحد ييجي جلطه
الله يعوض علينا