ياجماعة انا استخدمت منتج سمارت دايت ومنتج سوبربرنر من عند الدختور نيوترشن << مسوي دعايا

بصراحه افاد معي بطريقة رهيبه ونقص من وزني بمعدل 2.5 الى 3 كيلو اسبوعياً طبعاً بدون الدكتور يقولي لازم امشي 40 دقيقة يوميا بس انا ما مشيت ولا خطوه والحمد لله نزول مستمر

وزني كان 101.1 كيلو والحين وصلت للـ 87 كيلو يعني نزلت ما يقارب الـ 14 كيلو في شهرين

امتنعت عن الدهون وشربت الماي والامور طيبه

بعد ها الفلم نروح الى لب الموضوع

المنتجين الي ذكرتهم حد يعرف اي معلومات عنهم

يعني استمر والا اتركهم

يقول الدكتور اونها طبيعيه ومستخرجه من قشور الروبيان والله اعلم

9 thoughts on “بعد مانزل وزني الحين بسأل عن المنتج ^_*”

  1. أنا استخدمت سمارت دايت و استخدمت اكتريم و استخدمت انواع وايدة بس سولت الأدوية هاي انخفاض في افرازات الغدة الدرقية و أنا الى الآن تعبان منها

    الحرمه عندي استخدمته ونقص وزنها 20كيلو في شهرين
    والسبب انه من استعامله سبب للحرمه التهاب في الغده
    وزياده افرازتها
    والحين قاعده تتعالج من هذا المرض

    سو رياضه احسن لك
    ولا تسمع لكلام الدكتور الموجود محل نيو تشن
    ترا كلهم بياعين كلام والهدف البيزات
    اسمع كلام العليل ولا تسمع كلام الطبيب

  3. مبروك لك اخوي
    بس سمعت ان مستحضرات تنزيل الوزن تسبب الفشل الكلوي والعياذ بالله

    خلك مثلي خسيت 6 كيلو في اسبوعين لأني ابتعدت عن الدهون وامشي 6 كيلو في ساعة في اليوم

    نحياتي

  4. والله ياخوي تبا الصراحة وعن تجربة ..

    حاول انك تأكل من الاكل الصحي عشان تتعود عليه مع الايام ..

    وحاول انك تمشي يووومياً اذا ماتقدر ع الاقل ف الاسبوع 4 اياام ف الاسبووع ..

    وخفف من الاكل وواشرب ماي .. وصدقني بينزل وزنك

Comments are closed.