مرحبا خواني شخباركم …
حبيت استشيركم …
طبعا بعد عناء طووووووووووووووووووول من تقديم السيفي في كل مكان ورحلة البحث عن وظيفه الي دامت شهووووووووووور 
اخيرا ياني الفرج وطبعا سبحان لله اذا يا الخير اي من كل صوب ولله فرجها علي وطلبوني لوظيفه في ادنوك وسويت المقابله وتريييت اسبوعين لاحس ولا خبر قلت يمكن خلاص مالي نصيب وبعدين اتصلولي من شركه ثانيه بعد وسرت وسويت المقابله … وقعدت اسبوع بعد لاحس ولا خبر … وفجاة شو صار 
اتصلولي ادنوك وقالو تعالي مقابله ثانيه عاد انا طرت من الفرحه وسكرت التيلفون وبعد ساعه اتصلولي الشركه الثانيه وقالولي تعالي مقابله ثانيه والصدفه انهم الاثنين طلبوني للمقابه في نفس اليوم ما تعرفون شو صارلي انقهرت وااااااايد لاني كنت اريد اسير المقابلتين اذا مالي نصيب في هذي يكون في الثانيه …
حشرتكم صح >>>>>>> بس لازم اقولكم التفاصيل >>>>>> المهم
كلمت الشركه الثانيه اذا في مجال ياخرون المقابله ولو يوم وااااااحد لان عندي ظرووف والحمد لله واافقو بتوفيق من لله ….
سرت مقابلة ادنوك واليوم الثاني سرت المقابله الثانيه ….
المهم >>>> دقولي ادنوك وقالولي مبروووووووووووك وافقو عليج تعالي خذي الاوراق وسوي الفحص … سرت وسويت .. واللحين صارلي قريب ثلاث اسابيع ولين الحين ما دقولي انا اتصلت وقالولي فحوصاتج زينه بس التوظيف عندنا شوي يطول …. الحين المشكله وييييييييييين ؟؟ المشكله ان الشركه الثانيه دقتلي وقالووووووولي قبلناج تعالي وهاتي اوراقج ….
الحين شو اسوي اسير اودي اوراقي ولا اقولهم اني حصلت وظيفه … اخاف اقولهم اني حصلت وظيفه وبعدين ادنوك اطول وايد لاني سمعت ان التوظيف عندهم احتمال يطول 8 شهووووور … شو رايكم وااااااااااااااايد محتاره
صح
شرات ما قالوا الاخوان
توكلي عـ الله و سيري لـ هالوظيفه
و مثل ما يقول المثل : وظيفه في اليد .. و لا عشره في ادنووك ^^
و بالمبارك ..
اه ذكرتيييييني قبل سنتين كنت في ادنوك بس الحمدالله اني استقلت طلعو عيوني بس مع هذا الله يوفقج ان شاء الله نصيحتي لج خلج قووووويه بمعنى الكلمة …..
أختي اول شي بالمبارك
ثاني شي
عصفور فالإيد ولا عشر فالشجرة
استخيري ربج وتوكلي على الله
ماشاء الله والله يوفقج في الشغله اللي فيها الخير
اختي عندج طريقه انا سويتها وصار لي نفس الموقف
كتبت في ورقه الشغلتين وكتبت في الشغلتين الاشياء الزينه والشينه وحصيتها وشفت فرق الراتب والمميزات
وبعدين قررت !
انتي روحي للي طالبينج قبل واتوكلي اذا مقتنعه ولا اتمين على امل ويمكن هاي فرصه اتجربين الشغل في ها المكان وبعدين اتقررين الانسب لج
ربي يوفقج وخبرينا شو بيصير معاج
اختي
سيري الشركه الثانية
وخلصي اوراقج وكأنج ما حصلتي وظيفه
واذا ردوا عليج ادنوك بالموافقه
قارني وشوفي وين الراتب الاحسن وتوكلي على الله
وغير هذا وهذا
روحي صلي صلاة الاستخاره
وتقبلي مروري