مرحبا خواني شخباركم …
حبيت استشيركم …
طبعا بعد عناء طووووووووووووووووووول من تقديم السيفي في كل مكان ورحلة البحث عن وظيفه الي دامت شهووووووووووور 
اخيرا ياني الفرج وطبعا سبحان لله اذا يا الخير اي من كل صوب ولله فرجها علي وطلبوني لوظيفه في ادنوك وسويت المقابله وتريييت اسبوعين لاحس ولا خبر قلت يمكن خلاص مالي نصيب وبعدين اتصلولي من شركه ثانيه بعد وسرت وسويت المقابله … وقعدت اسبوع بعد لاحس ولا خبر … وفجاة شو صار 
اتصلولي ادنوك وقالو تعالي مقابله ثانيه عاد انا طرت من الفرحه وسكرت التيلفون وبعد ساعه اتصلولي الشركه الثانيه وقالولي تعالي مقابله ثانيه والصدفه انهم الاثنين طلبوني للمقابه في نفس اليوم ما تعرفون شو صارلي انقهرت وااااااايد لاني كنت اريد اسير المقابلتين اذا مالي نصيب في هذي يكون في الثانيه …
حشرتكم صح >>>>>>> بس لازم اقولكم التفاصيل >>>>>> المهم
كلمت الشركه الثانيه اذا في مجال ياخرون المقابله ولو يوم وااااااحد لان عندي ظرووف والحمد لله واافقو بتوفيق من لله ….
سرت مقابلة ادنوك واليوم الثاني سرت المقابله الثانيه ….
المهم >>>> دقولي ادنوك وقالولي مبروووووووووووك وافقو عليج تعالي خذي الاوراق وسوي الفحص … سرت وسويت .. واللحين صارلي قريب ثلاث اسابيع ولين الحين ما دقولي انا اتصلت وقالولي فحوصاتج زينه بس التوظيف عندنا شوي يطول …. الحين المشكله وييييييييييين ؟؟ المشكله ان الشركه الثانيه دقتلي وقالووووووولي قبلناج تعالي وهاتي اوراقج ….
الحين شو اسوي اسير اودي اوراقي ولا اقولهم اني حصلت وظيفه … اخاف اقولهم اني حصلت وظيفه وبعدين ادنوك اطول وايد لاني سمعت ان التوظيف عندهم احتمال يطول 8 شهووووور … شو رايكم وااااااااااااااايد محتاره
اختي ادنوك لها مستقبل
لكن اذا كنت وايد مستعيله قدمي على الشركة الثانية وربي يوفقك
اقبلي بالوظيفة الجاهزة وبعدين اذا كان اوفر أدنوك افضل استقيلي ،، نوبروبلوم ^ـــــ^
وبالتوفيق لج ^ـــــ^
يلسي في البيت احسن
امزح لاتعصبين
قدمي اوراقج في الشركه لين يردون عليج ادنوك
وشوفي المكان الي يناسبج
بس سالي اشخاص اشتغلو في ادنوك كيف نظامهم سمعت عنهم اشياء
الله يوفقج
أختي .. سيري للي طالبينج الحينه و داومي عندهم لحد ما يردون عليج ادنوك ويقولون تعالي ..
عقبها .. قارني بين الوظيفتين و شوفي الأفضل و توكي على الله ..
موفقه خير