بغيت اموت ( الحمدالله على العمر الجديد )

السلام عليكم ورحمة الله وبركاته

احكي لكم قصتي في امريكا بعد مضي شهر عن الحادثه التي لن انساها ما حييت

اليكم التفاصيل

في مساء يوم كئيب كنت ياي من برع وميت يوم اريد اتعشي دشيت الشقه والشقه روحهاااا كئيبه دخلت وشغات الليتات ورحت على طول شغلت النت ومن بعدهااا رحت المطبخ عشان اسوي لي قهوه بعد ما خلصت يلست على النت وشرب قهوه ودخن ( لابارك الله فيهااا من اداة للموت ) خطر في بالي اسوي لي خبز وجبن ومن بعدهااا اشرب ماي ورقد

المهم

سويت لي خبز وجبن ورحت يلست على النت عشان اتصفح الشبكه العنكبوتيه مع سندويج الجبن اللي مسونه باين عليه طعمه لذليذ لاني يوعان اول ما حطيت السندويجه في حلجي وسرطتهااا احسهاا دشت مجرى التنفس كحيت عشان تطلع طلعت بس مجري التنفس اتسكر يمكن التحم بغيت اتنفس ما قدرت حاولت في ثواني اتنفس ماقدرت بس اكح تنفس ماشي ركضت الثلاجه ايب ماي شربت يمغه كأني تنفست بس ما دش هوا في صدري شليت الدبه كامله وظهرت برع الشقه مثل المينون بس اشرب ماي بعد خمس يغمات او اكثر تبطل مجرى الهوا شوي بس يادوب اتنفس يعني اتنفس بس عشان اعيش لحظات نزلت ولابس وزار وفانيله وشال دبة ماي في ايدي وتلفوني بأيدي الثانيه اركض في الشارع مثل المينون اريد حد يساعدني يسوي لي شي ما اريد اموووت هني حصلت واحد اكلمة ونه مب قادر اتكلم الريال اتحراني سكران وشرد عني ونه بحسرتي قلت خلاص بموت ونه كل هذا والله مب رايم اتنفس بس يدش هوا بصعوبه في صدري بس عشان اعيش سبحان الله قريت اية الكرسي ةالمعوذات بكل فرصه اقدر اتنفس فيهااا او اشرب ماي فيهااا ونه اقاوم وشفت وحده في سيارتهااا ركضت صوبهااا ونه بصعوبه اكلمهااا هي من شافتني خافت قلت لهااا لا تخافين انا مب قادر اتنفس اعتقد في شي واقف في بلعومي وزين يوم فهمت لي مب قادر ارمس يه زوجهااا يركض يتحراني سكران او فيني شي من شاف حالتي وقلته ان الريال يتنفس بصعوبه لانه في شي واقف في بلعومه شل التلفون وتصل الاسعاف وتم الريال وزوجته يسون لي اسعافات اوليه والحمدالله قمت اتنفس شوي بعد خمس دقايق وصلت سيارة المطافي اريد اضحك بس مب قادر مطافي شو يبوني يطفوني انا بموت ومن بعدهااا بدقيتين او اكثر شوي يت الاسعاف وشلوني في الاسعاف وحطولي البيبات وعلى طووول المستشفي

وصلت المستشفي وودوني غرفه العناية ويوني الدكاتره يبون يعرفون شو الموضوع ونه مب قادر اتكلم من الصدمه اللي فيني ومن التنفس مب قادر اتنفس المهم بقوه خبرتهم شو السالفه ويابو الاجهزة وحطو شي في خشمي ماده مضرب مثل الفليت بيف باف وبرش في خشمي والله حسيت ان مخي ظهر من راسي يوم رش الدكتور في خشمي ومن بعدهااا ياب كمبيوتر وجهاز فيه بيب طويل والله يا جماعه وانا في كامل وعيي وحاسيتي دخل البيب من خشمي ونه اصارخ ومسك ايد الدكتور شو يبا يسوي هذا وصل البيب لبلعومي وقالي اسرطه ابلعه ونه ابلع البيب بلعت البيت لين ما وصلت لين مجرى الهوى في صدري تخيلو يا جماعه بيب من خشمي لحد بلعومي يالله يالله والله لحظات قاسيه قاسيه روحهاا بغت تموتني وبعد خمس دقايق طلع البيت وقالي فيك جروح ودم متيمع في مجرى الهوا وعطوني ادويه وتميت اعاني من التنفس لحد اليوم الثاني والحمدالله والحمدالله على كل شي

وكتب الله لي عمر جديد