السلام عليكم ورحمه الله وبركاته
الصراحة ما عرفت القسم المناسب لكتابة هذا الموضوع
اتمنى ان يكون هذا القسم الصحيح
في هذا الموضوع بغيت آخذ رايكم في تخصص التسويق
أنا طالب جامعي وأفكر في تخصص التسويق
اعرف ان هناك تخصصات معروف انها اقوى مثل المحاسبة وادارة الاعمال والتمويل , ولكن عندي ميول لتخصص التسويق , عجبني المساق وأحس اني ممكن ابدع فيه عكس باقي المساقات مثل المحاسبة وادارة الأعمال الي ما عجبتني
بغيت رايكم هل تنصحوني آخذ البكالريوس في التسويق ؟
هل التخصص مطلوب في سوق العمل في الدولة ؟
هل رواتب موظفين التسويق تساوي رواتب موظفين باقي التخصصات ( المحاسبة وادارة الاعمال والتمويل ) ؟
في انتظار آرائكم حول الموضوع وشكراً
السلام عليكم
أنا مع الاخ الكريم منقذ في كل كلمه قالها .. الشي الي تحبه راح تبدع فيه …
أنا مثلك ميولي تسويق بس ما حصلت الفرصه اني ادخل المجال … دخلت IT لأنه ما كان عندنا قبل حد يقولنا شو مطلوب في السوق أو يوضح لنا شو معنا التسويق … بس الحين السوق مفتوح عندنا و كل شي مطلوب ..
بالنسبه للتسويق مجال ممتاز و رائع الابداع فيه مفتوح على أفا من يشيل و مثل ما ذكروا الاخوان التسويق رواتبه عاليه و خاصه لو وصلت مناصب قويه
و المهارات المطلوبه في التسويق مميزه لأنه مب اي شخص يقدر ردخل مجال التسويق يعني الشخص الخجول او الانطوائي و ما يحب يخالط الناس أو يقابل ناس يداد مكانه مب التسويق و الي ما عنده مهارات عرض أو ما عنده القدره انه يعرض جدام المدراء بعد مش مكانه … لكنه هذي صفات مكتسبه يقدر ينميها … للفائده هذا موقع ممتااااز للتسويق للكل ممكن يستفيدون منه
فيه كل كبيره و صغيره عن التسويق
KnowThis: For Marketing, Market Research, Advertising, Sales, and more
و اخوي عندك الانترنت بتعرف وايد امور عن التسويق
أخوي بغض النظر عن أي تخصص.
الشي اللي تحبه وتميل له. بتقدر تبدع فيه.
حط في بالك ان هذا التخصص بتضطر تقرا عنه أشياء كثيرة في الجامعة لعمل الأبحاث والمشاريع. وأيضا لما تتخرج بتحتاج تطور نفسك بنفسك وتتابع المستجدات وتتأكد انك دايما على علم بكل أبعاد التخصص.
الواحد يقدر يسير يدرس هندسة ذرة وهو ما يحب التخصص.. وبيتخرج منه.. ويمكن بامتياز. بس لو ما كان شخصيا مهتم بالموضوع بينتهي كمدرس في المدرسة.
والواحد ممكن يسير يدرس حدادة.. ويضحكون عليه الناس يقولون له مب شغلة مواطنين. بس لو يحب هالمجال بيبدع فيه ويطور نفسه ويصير شئ ما حلموا فيه اللي كانوا يضحكون عليه.
فمهما كان التخصص. انسى اللي يقولون لك عن العرض والطلب.. انسى اللي يتكلمون عن احتياج السوق. انسى اللي يقولون لك هالتخصص سهل وهالتخصص صعب.
ركز على الشئ اللي تحبه. شوف هالتخصص شو المواد الموجودة فيه؟ هل كنت تحب هالمواد في المدرسة؟ هل هالتخصص شي يهمك شخصيا وممكن تبذل جهد في تعلمه في وقتك الخاص؟
إذا نعم توكل على الله. لكن إذا بتاخذه بس لأن الناس تقول ولأن الجرايد تقول لكن مالك أي ميول شخصي. فبينتهي الأمر وانت متخرج منه لكن كأنك رجل آلي مبرمجينه على عمل شئ معين وهو يكرر هالعمل كل يوم لمدة 30 سنة وبدون ما يطور نفسه ولا يطور المكان اللي راح ينحط فيه.
وبالتوفيق ان شاء الله.
منقذ
أشكركم جميعاً على المشاركات المفيدة
وفي انتظار المزيد من الآراء
شكرا لك اخوي على الرد .. وان شاءالله بحاول انمي هذه المهارات فيني اذا تخصصت هذا التخصص
جزاك الله خير
يعتمد أنت شو ميولك في التسويق. و لك بارض لمجابلة المشترين. تخصص جيد جدا اذا انت انسان صبور و لك ارادة قبل الطموح.
و أهم شي اللغة الانجليزية و الذكاء الخارق في علم الكلام.
تخصص مرغوب تجاريا و تحتاج الى دعم في أول خمس عشر سنين من صاحب العمل لتثبت وجودك.