السلام عليكم ورحمه الله وبركاته
شحالكم يالغوالي عساكم بخير ؟!
الغالين انا لي فتره ف عمان وتوهق الصراحة ويا الخياطين خبركم هني ممنوع الخياط يخيط كندورة غير العماني وبعد ممنوع الغير عماني يلبس كندورة عمانية
عاد انا اقرب شي لي الامارات سرت خياط اسمه اظن غناتي او الغناتي ف بوظبي الخالدية وكل مره يرفع لي ضغطي وارد عمان كل الكنادير ارميها ف الزبالة وانا اقسم بالله بسير الامارات بس علشان الخياط
ف بغيت فزعتكم شباب جان تدلوني ع خياط زين اسير له ف بوظبي وشو أحسن نوع قماش بس مايكون ثقيل تكفون لان والله حرام كل مره افصل وتروح للزبالة الله يعزكم
والسموحة
مرحبا الساع .. الغالي اول مجموعه فصلتها عنده طبعا ماامداني اقيس اخذتها وسيده رديت عمان
المقاسات خطأ اليد طويله ومن صوب الصدر ضيقة والرقبة ماتروم تسكر الزر مالها
والمجموعه الثانية اونه غير المقاسات استوت الكنادير وايد كبيرة ومسوي لي ع الجنب خطين شرات السعودية مب خط واحد وانا مب قايل له يسووي جذي ؟! والجيب الامامي بوحده من الكنادير اعلى من الباقين
عاد القماش قال احسن شي عنده تيوبو قلت له خلاص عطني منه حشا القماش ياخوي ماتحسه قطن اقسم بالله كله نايلون وشفاف مع اني ماخذيت خفيف وايد خذيت وسط
عاد والله من جيه ييت اسأل هني شو اخذ نوع قماش ووين بفصل
والسموحة منك
أخوي ف العين بعد في خياايط أوكي أناا أفصل عند المغربي ألي ف شارع خليفه بصراااحه أوكي وعنده كل القطع وأسعاره منااسبه
موفق بإذن الله … لك مني أجمل تحية .
الطيب روح خنجي تفصيله حلو وعنده أكثر من فرع والفرع الي في العين موجود في العين موول ,, وبتلاقي عنده جميع انواع الخامات
أخوي،
ممكن أعرف سبب رميك الكنادير في الزباله و إنته بكرامه ؟
هل هي بسبب خطأ في القياسات أو نوعية القماش أو شو بالضبط ؟
مرحبا الساع والله ياخوي اهي بعد خوش فكرة بس تره المسافة جريبة بيني وبين العين ساعه وبوظبي ساعتين ونص بس قالو ف العين ماشي خياط زين علشان جيه سرت ادور ف بوظبي
يعني مب مستاهله اتعب حد وياي وبعد اتشرف ف زيارتي لديرتي الثانية الامارات