السلام عليكم ورحمه الله وبركاته
شحالكم يالغوالي عساكم بخير ؟!
الغالين انا لي فتره ف عمان وتوهق الصراحة ويا الخياطين خبركم هني ممنوع الخياط يخيط كندورة غير العماني وبعد ممنوع الغير عماني يلبس كندورة عمانية
عاد انا اقرب شي لي الامارات سرت خياط اسمه اظن غناتي او الغناتي ف بوظبي الخالدية وكل مره يرفع لي ضغطي وارد عمان كل الكنادير ارميها ف الزبالة وانا اقسم بالله بسير الامارات بس علشان الخياط
ف بغيت فزعتكم شباب جان تدلوني ع خياط زين اسير له ف بوظبي وشو أحسن نوع قماش بس مايكون ثقيل تكفون لان والله حرام كل مره افصل وتروح للزبالة الله يعزكم
والسموحة
الغالي عندك خياط اليوش شارع المرور خلف سوبر ماركت عالم
الخياط العربي الممتاز اقرب لك اللي في بني ياس جنب بنك دبي الاسلامي
الخياط العربي المميز في مواصلات بني ياس
الشيخ في بين الجسرين فالسيد اللي مجابل الجمعيه والسموحه
المغرب شارع خليفه فالعين وهو خياط معروف عند هل العين
استغرب يوم اتقول ممنوع لغير عماني لبس اللبس العماني واذا حد لبس شو عقوبته ؟؟؟واذا عماني لعب لبس اماراتي شو عقويبته ارجو الرد خلنا نستفيد
يزاك الله الف خير الشيخ
يزاك الله الف خير اخوي وماقصرت الحين بنشوف اذا سرت بوظبي بروح له واذا حصلت ف العين يكون احسن والله ع الاقل افصل وارد عمان وعجب سبوع اسير مره ثانية اييبها او اسبوعين مب مشكلة اهم شي مضبوط
ربي لا هانك
خياط المغرب فى شارع الشيخ خليفه فالعين
هلا بك يالغالي والله عاد اذا شي ف العين احسن مامسك خط واسير بوظبي
بس عاد احصل ختم عندهم ؟ لان واحد من الشباب امس ايقولي الختم عند العربي حصريأ